ایران حربی دینگیز کوچلری، هرمز بوغوزیده امریکا حربی کیمهسینینگ ایکی راکته بیلن نشانگه آلگنینی ادعا قیلدی.
ایران فارس آژانسی، بوگون(۱۴ ثور/۴ می، دوشنبه) بیر بیانیه ترقهتیب، امریکا حربی کیمهسی ایران حربی دینگیز کوچلرینینگ آگاهلنتیریشلریگه دقت قیلمهگن بیرحالده، ایکی راکته بیلن نشانگه آلینگنینی ایتگن.
شو بیلن بیرگه، ایران حربی دینگیز کوچلری، امریکانینگ دینگیز حربی کوچلری کیمهسیگه هرمز بوغوزیگه کیریشی آلدی آلینگنینی بیلدیرگن.
هجوم طفیلی، کیمه ضرری و احتمالی تلفاتلری حقیده هیچ نرسه دییلمهگن.
امریکا قوشمه ایالتلرینینگ عملدارلری، حاضرگچه بوتوغریده مناسبت بیلدیرمهگن.
امریکا جمهور باشلیغی دونالد ترامپ، اوتگن کیچه امریکا بوگوندن باشلب هرمز بوغوزیده قالیب کیتگن کیمهلرنینگ اوتیشی اوچون چارهلر کوریشینی معلوم قیلگن بیرحالده، اوشبو مملکت کیمهسی نشانگه آلینگنی ایتیلگن.
