تورکیه ترانسپورت وزیری عبدالقادر اورالاوغلو، بوگون (۱۵ حمل/۴ اپریل، شنبه) تورکیه بیراغی بیلن ایکینچی کیمه هرمز بوغوزیدن اوتگنینی بیلدیردی.
اونگه کوره، منطقهوی اوروش باشلنگنیدن و ایران تامانیدن هرمز بوغوزی یاپیلگنیدن سونگ، تورکیه گه عاید ایکینچی کیمه بو یولدن اوتگن.
اوشبو کیمه ایران عملدارلری اویغونلیگی بیلن هرمز بوغوزیدن اوتگن.
تورکیه گه عاید بیرینچی کیمه ۱۳ مارچ کونی بو یولدن اوتگن ایدی.
۳۶ کون آلدین ایران، امریکا و اسرائیل اورتهسیده اوروش باشلنیشی بیلن هرمز بوغوزی (هرمز تنگه)سی توسیلدی و دنیا تورلی مملکتلریگه عاید نفت تشووچی کیمهلر گه بو یولدن اوتیشگه رخصت بیریلمهدی.
ایران عملدارلری ایسه، بو یول فقط امریکا و اسرائیل گه عاید کیمهلردن باشقه بوتون مملکتلرنینگ نفت تشووچی کیمهلری یوزیگه آچیقلیگینی ایتسهلر-ده، بو یولدن کمسانده مملکتلرنینگ کیمهلری اوتیشگه اولگورگن.
