امریکا جمهور باشلیغی دونالد ترامپ، هرمز بوغوزینینگ بوتونلی نظارتی مملکتی کوچلری قولیده بولگنینی ادعا قیلگن.
خلقارا ییتکرمهلرنینگ بوگون (۲۱-اسد/۱۲-اگست، چهارشنبه)، گزارش بیریشیچه، ترامپ خبرچیلر بیلن اوتکزگن صحبتیده، امریکا هرمز بوغوزیدن یالغیز اوزی تصدیق قیلگن کیمهلرنینگ اوتیشیگه رخصت بیریشینی قوشیمچه قیلگن. اونگه کوره: «هرمز بوغورینینگ نظارتی بوتونلی شکلده قولیمیزده؛ حربی-دینگیز کوچلریمیز فوقالعاده و مملکتیمیز اوچون وضعیت جودهیم یخشی کیچماقده.»
امریکا جمهور باشلیغینینگ اورغولشیچه، ایران اوروشی وضعیتی هم یخشی شکلده کیچماقده. شونینگدیک ترامپ ایکی کون آلدین، امریکا دینگیز کوچلری هرمز بوغوزینینگ ماینلردن تازهلهگنینی ایتگن ایدی.
بو بیانات، ایران هم نیچه مرته هرمز بوغوزینینگ اوشبو مملکت آرقهلی مدیریت و کنترول بولیشیگه تاکید قیلگنی بیرحالده، بیان بولگن.
