امریکا جمهور باشلیغی دونالد ترامپ، صلح مذاکرهلری دوام ایتیشی اوچون ایران بیلن آتیش کیسیننی نامعلوم مدت گه اوزهیتیرگنینی بیلدیردی.
ترامپ، بوگون (۲ ثور/۲۲ اپریل، چهارشنبه) بیر بیانیهده، امریکا پاکستان واسطهچیلرینینگ خواهشی بیلن ایران عملدارلری و وکیللری یخشی تکلیف اوزهتیش و مذاکرهلر نتیجه بیریشی اوچون بو مملکت گه قرشی هجوملرنی توختهتگنینی ایتدی.
شو بیلن بیرگه، ترامپنینگ کوپهیتیریشیچه، امریکا دینگیز کوچلری تامانیدن ایراننینگ دینگیزدن قمل قیلیشی دوام ایتهدی؛ بو ایسه ایران تامانیدن «اوروش حرکتی» صفتیده بهالنماقده.
تسنیم آژانسی هم، ایران آتیش کیسین اوزهیتیریلیشینی سورهمهگن و امریکانینگ قملی کوچ بیلن بوزیب تشلنیشی حقیده آگاهلنتیرگن.
امریکا و اسرائیل میلادی ۲۰۲۶ ییل، ۲۸ فبروری ایران گه قرشی قوشمه هجوم قیلدی و بو اوروش تیزلیک بیلن منطقه مملکتلریگه هم کینگهیدی.
اوشبو اوروشلرده منطقهده بیش مینگدن آرتیق تینچ اهالی اولیب و مینگلرچه کیشی آواره بولدی.
