مذکور ییغیلیش گه شرکت قیلگن کیشیلر تینچلیک سوزلشوولری تیزلشتیریلیشی گه علاوه، اوروش تامان‌لریدن رمضان آیی ده آتیش کیسین اعلام قیلیش‌لرینی سوره‌شگن.
مذکور ییغیلیش یولگه قوییلیشی‌دن مقصد جمهوریت و امنیتی کوچلردن حمایت قیلیش ایکن. اوشبو ییغین ده ایتیلیشیچه، تینچلیک سوزلشوولریده اوتگن ۲۰ ییل یوتوق‌لری اوستیگه معامله قیلیش قبول قیلینمه‌یدیگن دیر.
ننگرهار ولایتی کینگش اعضاسی اسرارالله مراد، اوروش تامان‌لرینی مخاطب قرار بیریش بیلن ایتیشیچه، رمضان آیی نینگ حرمتی بیلن اوروش نی توختتسین‌لر.
شونینگدیک مذکور ییغیلیش اشتراکچی‌لری تینچلیک سوزلشوولری تیزلشتیریلیشی و تیزیم نینگ بقاسی اوستیگه صحبت قیلیشگن.
نماینده‌لر کینگش اعضاسی عبدالرووف شپون، اهالی دن تیزیم دن حمایت قیلیش‌لری و تقدیرلری بیلن اوینه‌شگه هیچ کیم گه رخصت بیرمه‌سلیکلرینی سوره‌گن.
اوشبو ییغیلیش ده دین عالم‌لریدن بیری داوود مجاهد، قوراللی طالبان دن جاری اوروش نی توخته‌تیش‌لری و شونینگدیک ایسته‌کلرینی سوزلشوولر یولیدن تینچ بیر شکلده حکومت بیلن شریک قیلیشی نی سوره‌گن.
عین حالده ایچکی ایشلر وزیرلیگی سرپرستی حیات‌الله حیات، مذکور ییغیلیش گه بیرگن بیاناتی ده تاریخی اَچیق تجربه‌لریدن ایسلب ایتیشیچه، اوتمیش گه قیتیش نی ایستمه‌یدیلر.
ننگرهار یشاوچیلری تینچلیک و آتیش کیسین تأمین ایتیلیشی نی سوره‌گن بیرحالده، ملی مصالحه عالی کینگشی استانبول ییغینی اوچون بیر ریجه نی نهایی قیلگن و بو ریجه ۱۶- اپریل بو ییغینده ارایه ایتیلیشی گه قرار قیلینگن.
