بیرقطار گزارش‌لرگه کوره، افغانستان تینچلیک جریانی خصوصیده‌گی ییغین ۱۶ اپریل‌ده ترکیه‌ده یولگه قویله‌دی. حاضرگه‌قدر حکومت و طالبان نماینده‌لیگی‌گه اوشبو ییغینده کیم‌لرنینگ اشتراک قیلیش‌لری بیللی ایمس؛ لیکن نماینده‌لر کینگشی اعضالری نینگ ایتیش‌لریچه، مذاکره قیلووچی هیات‌لر فهرستی‌ده کوپراق پشتون قوم‌لردن حضور تاپگن.
بوگون “دوشنبه” نماینده‌لر کینگشی نینگ عمومی ییغینیده اوشبو کینگش اعضالریدن بیرقطاری نینگ ایتیش‌لریچه، اولر اختیاریگه قرار تاپگن فهرست‌گه کوره، حکومت هیاتی‌ده برابرلیک نظرگه توتیلمه‌گن.
عین، نماینده‌لر کینگشی اعضالریدن باشقه بیرقطاری نینگ ایتیش‌لریچه، جمهوریت نظامی‌نی سقلش اوچون پشتون‌لر کوپراق قربان‌لیک بیرگن و انه‌شو سبب، اولرگه کوپراق سهم بیریلیشی کیره‌ک.
بوتوغریده ملی مصالحه کینگشی فکرینی آلیش اوچون سعی و حرکت قیلدیک، لیکن موفق بولمه‌دیک.
بیراق، نماینده‌لر کینگشی باشلیغی میررحمان رحمانی نینگ ایتیشیچه، استانبول ییغینیده اشتراک قیله‌دیگن‌لردن نشر قیلینگن فهرست توغری ایمس و ملی مصالحه کینگشی هم اوشبو فهرست‌نی تصدیق‌لمه‌یدی.
نماینده‌لر کینگشی اعضالری نینگ تاکید قیلیش‌لریچه، استانبول ییغینی نینگ ایجابی نتیجه بیریشی اوچون حکومت‌نی واحد بیر ریجه‌سی بولیشی لازم.
