اسلام امیرلیگی باش وزیرینینگ اداری اورینباسری عبدالسلام حنفی، کابل ده قطر ایلچیسی مردف القاشوطی و بالهلر فلجی (پولیو) کسللیگینی اورتهدن کیتگزیش دستوری مدیریتی بوییچه کینگش اعضاسی بیلن اوچرهشگن.
کابل ده قطر ایلچیخانهسی، اوتگن کون کیچ قورون بیر بیانیه آرقهلی اکس صحیفهسیده یازیشیچه، حنفی و القاشوطی اوشبو اوچرهشووده افغانستان ساغلیقنی سقلش سکتورینی قوللب-قوتلش یوللری، پولیونی اورتهدن کیتگزیش اوچون سعیوحرکتلرنی کوچهیتیریش همده ساغلیقنی سقلش بولیمیده فعال خلقارا تشکیلاتلر بیلن افغانستان آرهسیده همکارلیکلرنینگ کینگهیتیریش مسئلهلرینی محاکمه قیلگنلر.
بیانیهده کیلیشیچه، اسلام امیرلیگی باش وزیرینینگ اداری اورینباسری، ساغلیقنی سقلش مسئلهلرینینگ سیاسی موضوعلردن اَیریلیشی اهمیتی همده افغانستان ده طبی خذمتلر رواجلنیشی اوچون خلقارا همکارلیکلر کوچهیشی ضرورلیگیگه تاکید قیلگن.
کابل ده قطر ایلچیخانهسیگه کوره، خلقارا ساغلیقنی سقلش تشکیلاتی بیلن شریکلری هم افغانستان ساغلیقنی سقلش توزیمینی قوللب-قوتلش اوچون تعهدلری دوامیگه اورغولهگنلر.
