اسلام امیرلیگی باش وزیرینینگ اداری اورین باسری عبدالسلام حنفی، افغانستانده برچه کسللر دوالنیشی اوچون سعی-حرکت قیلینماقدهلیگینی بیلدیردی.
حنفی جنابلری، اوشبو سوزلرنی بوگون (۲۹ ثور/۱۹ می، سهشنبه) کابلده ابوعلی سینای بلخی تورت کونلیک خلقارا کورگزمهسی آچیلیشی مراسمیده بیان قیلدی.
اونگه کوره، حاضرگی کونده مملکت ایچیده کوپینچه کسللر دوالنماقده و اولر چیت ایل گه باریب کسللیکلرینی دوالش گه مجبور بولمسلیگی اوچون، اسلام امیرلیگی دوالنیش زمینهسینی یرهتیشگه حرکت قیلماقده.
شونینگدیک او، چیت ایلدهگی افغانستانلیک شفاکارلر و متخصصلردن کسللرنی دوالش و بو ییردهگی شفاکارلرنینگ ظرفیتینی آشیریش اوچون، بیر ییل ایچیده بیر مرته مملکت گه کیلیب و ساغلیقنی سقلش سکتوری کوچلنیشیده حصه قوشیشلرینی سورهدی.
ابو علی سینای بلخی ملی و خلقارا ایکینچی کورگزمهسی، بوگون کابلده آچیلدی و اونده یوزلب ایشخانه محصولاتلرینی تورت کونگچه نمایش گه قویگنلر.
