فلسطینلیک اعتراضچیلر، غزه شهریده الشفا کسلخانهسی برابریده ییغیلیب و اسرائیل دن دوالنیشنی دوام ایتیریش اوچون غزه تشقریسیده طبی خذمتلرگه محتاج کسللرنینگ چیقیشیگه رخصت بیریشنی طلب قیلگن.
الجزیره خبری ترماغینینگ بوگون (۱۵-سرطان/ ۶-جولای، دوشنبه)، گزارش بیریشیچه، امریکا واسطهچیلیگی بیلن آتیش کیسین کیلیشووی اساسیده، دوالنیش خذمتلریدن فایدهلنیش مقصد کسللر بیلن یولداشلری شامل قریب ۲۱ مینگ فلسطینلیکنینگ غزه دن چیقیشیگه قرار آلینگن ایدی؛ لیکن حاضرگچه یالغیز ییتی مینگ ۵۰۰ کیشی چیقیشگه موفق بولگن.
خلقارا ساغلیقنی سقلش تشکیلاتینینگ معلوماتی اساسیده، ۱۸ مینگ ۵۰۰ دن آرتیق فلسطینلیک جملهدن قریب تورت مینگ باله، حاضر غزه ده موجود بولمهگن حیاتنی قوتقرووچی دوالنیش امکانیتلرینی قولگه کیلتیریش اوچون تیزلیک بیلن طبی کوچیریلیشگه محتاج.
غزه ساغلیقنی سقلش رسمیلریگه کوره، اسرائیل آرقهلی ۲۰۲۴-ییل می آییده رفح قتناو یولی باسیب آلینگنی پیتدن بویان قریب طبی کوچیریلیشنی کوتیب تورگن بیر مینگ ۲۰۰ فلسطینلیک، وفات قیلگن.
گزارش اساسیده، اوروش جریانیده اسرائیل کوچلری غزه کسلخانهلریدن ۹۴ فایزینی بوزیب و ۲۰۲۳-ییل اکتبر آییدن حاضرگچه بو منطقهدهگی ساغلیقنی سقلش ایشلاوچیلریدن قریب بیر مینگ ۷۷۲ تهسی اسرائیل هجوملریده قربان بولگن.
