اوکرایننینگ کییف شهری همده بیر قطار منطقهلریگه روسیه آرقهلی اویوشتیریلگن کینگ کولملی راکته و پهپادی هجوملرده، کمیده ۳۲ کیشی اولیب و اونلب کیشی یرهلنگن.
خلقارا ییتکرمهلرنینگ بوگون (۱۶-سرطان/ ۷-جولای، سهشنبه)، گزارش بیریشیچه، مذکور هجوملر عاقبتیده اینگ کوپ تلفات اوکراین پایتختی کییف شهریده ثبت بولگن.
اوکراین رسمیلرینینگ اعلام قیلیشیچه، ۱۸ کیشی کییف شهری و باشقه ۱۰ کیشی اونینگ اطرافیدهگی منطقهلرده قربان بولگنلر. شونینگدیک باشقه تورت کیشی زاپوریژیا و سومی منطقهلریگه اویوشتیریلگن اَیری هجوملرده اولگنلر.
اوکراین هوا کوچلری، روسیهنینگ بو هجومده بالستیک راکتهلری، کروز راکتهلری و یوزلب پهپاددن فایدهلنگنینی معلوم قیلگن. اوکراین رسمیلریگه کوره، پاتریوت هوا هجومیدن مدافعه تیزیمینینگ قرشی راکتهلر کملیگی سبب، اوکراین روسیهنینگ برچه بالستیک راکتهلرینی یوق قیله آلمهگن.
شوندهی بیرحالده، روسیه مدافعه وزیرلیگینینگ اعلام قیلیشیچه، اوکرایننینگ انرژی و حربی قوریلمهلرینی نشانگه آلگن.
اوشبو هجوم ناتو رهبرلری ییغیلیشی عرفهسیده عملگه آشیریلگن. مذکور ییغلیشده اوکرایننینگ حربی جهتدن قوللب-قوتلشنی دوام بیریش مسئلهسی، اساسی موضوعلردن بیری بولیشی کوتیلماقده.
روسیه و اوکراین اوروشی ۲۰۲۲-ییل فبروری آییدن حاضرگچه دوام قیلیب و سونگی آیلرده ایکی تامان آرهسیده هوا هجوملری کوچهیگن.
