اوکراین رسمیلرینینگ اعلام قیلیشیچه، اوچ کونلیک آتیش کیسین عملگه آشیریلگنی بیلن، بو مملکتنینگ بیر قطار بولیملریگه روسیه هجوملری دوام قیلیب و نتیجهده، کمیده اوچ کیشی اولیب و ۲۲ کیشی یرهلنگن.
اوکراین محلی رسمیلرینینگ گزارش بیریشیچه، اوتگن ۲۴ ساعت ایچیده زاپوریژیا، دنیپروپتروفسک و خرسون منطقهلری روسیه هجوملری بیلن نشانگه آلینگن.
شونینگدیک اوکراین هوا کوچلری، اوتگن کیچه روسیه آرقهلی اوشبو مملکت تامان ۲۷ ته پهپاد آتیلگنینی معلوم قیلگنلر.
باشقه بیرتاماندن، روسیه اوکرایننی آتیش کسیننینگ بوزیشگه عیبلهگن. روسیه مدافعه وزیرلیگینینگ یکشنبه کونی اعلام قیلیشیچه، اوکراین روسیه کوچلریگه قرشی هجوم قیلیش و تینچاهالینی نشانگه آلیش بیلن، آتیش کیسین کیلیشووینی بیر مینگ مرتهدن آرتیق بوزگن.
مذکور وزیرلیککه کوره، اوکراین هجوملری کریمه همده بلگورود، کورسک، کالوگا، روستوف و کراسنودار منطقهلریده ثبت بولگن.
روسیه مدافعه وزیرلیگینینگ کوپهیتیریشیچه، بو مملکت اردوسی مذکور هجوملرگه قرشی «خودی شوندهی جواب» قیترگن.
ایتیش کیرهک که، روسیه و اوکراین آرهسیدهگی اوچ کونلیک آتیش کیسین ۹-می عملگه آشیریلگن.
