اوکراین عملدارلری، روسیه حربی کوچلری بوگون (۱۵ سرطان/۶ جولای، دوشنبه) ایرتهلب بامداد پیتی، راکته و دران آرقهلی اوشبو مملکت پایتختی کییف شهری ایریم حدودلریگه ضربه بیرگنینی معلوم قیلدی.
رویترز گه کوره، اوشبو هجوملرده چمهسی ۷ نفر هلاک بولگن و ۲۴ نفر ایسه یرهلنگن. شونینگدیک، نیچته یشش بنا و باشقه شهر آست قوریلمهلری ضرر کورگن یا کی بوزیلگن.
کییف بلدیهسی ویتالی کلیچکو، هجوم طفیلی دیوارلر آستیده قالگنلرنی قوتقریش و قیدیریش عملیاتی دوام ایتماقدهلیگینی قوشیمچه قیلگن.
بو هجوملردن آلدین، اوکراین جمهور باشلیغی ولودیمیر زلنسکی، یشاوچیلر گه روسیهنینگ هجوملری حقیده آگاهلنتیرگن ایدی.
روسیه و اوکراین اورتهسیدهگی اوروش بیشینچی ییلگه کیرماقده و ایکینچی دنیا اوروشیدن سونگ، اروپاده اینگ اوزاق چوزیلگن قانلی ماجرا گه ایلنگن. ایکی تامان اورتهسیده صلح کیلیشووی اوچون خلقارا سعی-حرکتلر بیلن بو اوروشگه هلیگچه چیک قوییلمهگن.
