ییل‌لرچه چیت‌ایللیک کوچلر بیلن بیرگه‌لیکده ایش قیلیب کیلگن افغانستان یشاوچی‌لریدن قطاری نینگ ایتیش‌لریچه، اولرنینگ افغانستان دن چیقیشی اوچون حرکت قیلینمه‌گن و اولر ایسه بو پروسه‌دن محروم قالگن.
اولرنینگ ایتیش‌لریچه، گرچند نیچه مرته مسئوللر و نهادلر بیلن علاقه قوریب و همکارلیک ایسته‌گنلر؛ بیراق هیچ قنده‌ی جواب قولگه کیلتیرمه‌گنلر.
افغانستان یشاوچی‌لریدن بیری آتی فاش ایتیلیشی نی ایستمه‌ی سلام‌وطندارگه ایتیشیچه: «کمیده ۱۰ ییل دن بویان ناتو بیلن ایش قیلردیم. چیقیش پروسه‌سی باشله‌نیشی بیلن برچه مملکتلر ترجمانلر و محلی ایشلاوچی‌لریمیزنی آلیب کیته‌میز دیدی، بیراق نیچه مرته کوپ قیینچلیکلر بیلن کیتدیک، نیچه مرته مقام‌لرگه ایمیل قیلدیک و شونینگدیک عریضه‌میزنی مهاجرلیک نهادلر، ناتو تشکیلاتی، ایلچی‌خانه و تشقی ایشلر وزیرلیگی گه یوباردیک، لیکن جواب قولگه کیلتیرمه‌دیک.»
چیقیش پروسه‌سیدن محروم قالگن افغانستان یشاوچی‌لری نینگ ایتیش‌لریچه، مملکتدن چیقیش گه موفق بولگن کیشی‌لردن کوپینچه‌سی، شرایط گه ماس ایمس ایکن و اولر علاقه‌لر و مقام‌لرنینگ حمایتی بیلن بو پروسه گه شامل بولگنلر.
اولر بو توغریده خواطر بیلدیریب و ایتیش‌لریچه، جدی تهدیدلر بیلن روپه‌رولر و شونینگدیک طالبان تامانیدن اولرگه قرشی زوروانلیک هم صورت تاپگن.
بیزلرنینگ فیسبوک صحیفه‌میزگه باش اورینگ!
چیت‌ایللیک کوچلرنینگ همکارلریدن ایکی ته‌سی نینگ ایتیش‌لریچه:
«قطار کیشی‌لرنی حمایت قیلووچی‌لری بار ایدی که اولرگه همکارلیک قیلیب میدان گه آلیب کیرردی یا هم زنگ اوریب آتی نی بیرردی. بونده‌ی بیر گپ‌لر بار ایدی، بیراق بیزلرگه هیچ کیم همکارلیک قیلمه‌دی.»
«بیرینچی کون‌لرده کوپ زنگ کیلدی، شماره‌لرنی بلاک قیلدیم، رسملر آلدیم گه موجود. مینی بیر نیچه مرته قومندانلیککه آلیب کیتدیلر و شونینگدیک شلاق و قنداق بیلن اوریب باشیم نی هم کل قیلدیلر.»
سیاسی ایش بیلرمانلرنینگ ایشانچ‌لریگه کوره، دولت‌لرنینگ کابل نی سقوطی توغریسیده غافل‌گیرلیگی، چیقیش پروسه‌سی ناتوغری و تیز شکلده صورت تاپیشی گه سبب بولدی.
سیاسی ایش بیلرمان‌لردن بیری اکرم عارفی نینگ ایتیشیچه: «گاوجوملیک، برنامه‌سیزلیک و ترتیب‌سیزلیک باعث، برچه کیشیلر قالدی و چیقیش پروسه‌سی بوتونلی صورت تاپمه‌دی و چیقیش شرایطی گه ماس بولگن کیشی‌لردن کوپینچه‌سی چیقه آلمه‌دی.»
افغانستان بوتونلی طالبان نظارتی گه اوتیشی بیلن، حربیلر و چیت‌ایللیک کوچلر و شونینگدیک اولرنینگ همکارلرینی چیقاریش پروسه‌سی تیزلشتیریلدی و بو پروسه ایسه جاری میلادی ییل نینگ اگست آیی نی آخری گچه یکونلندی. بو مدت ده ۱۰۰ مینگ دن آرتیق کیشی افغانستان دن تشقری گه انتقال تاپدی.
