آناتولری خبرگزارلیگی نینگ گزارش بیریشیچه، افغانستان خصوصیده ترک‌زبان مملکت‌لری نینگ تشقی ایشلر وزیرلرینی، بیرینچی فوق‌العاده ییغینی یولگه قوییلدی.
ترکیه تشقی ایشلر وزیری مولود چاووش اوغلو مذکور ییغینده ایتیشیچه، افغانستانده‌گی اوزگریش‌لیکلرنینگ دنیا بوییچه تأثیری بار و ترک‌زبان مملکتلر بو پروسه‌دن کوپ متأثر بولگن.
ترک‌زبان مملکتلر همکارلیک تشکیلاتی، ترکیه، اوزبیکستان، آذربایجان، قزاقستان و قرقیزستان دن تشکیل بولگن. مجارستان ایسه مذکور خلق‌ارا تشکیلات نینگ ناظر اعضاسی دیر.
بیزلرنینگ فیسبوک صحیفه‌میزگه باش اورینگ!
گزارش اساسیده، ترکیه تشقی ایشلر وزیری بوگون استانبول ده ترک‌زبان مملکت‌لری نینگ همکارلیک کینگش ییغینیده ایتیشیچه، افغانستانده‌گی اوزگریش‌لیکلر ترک‌زبان مملکتلرنینگ بو مملکت نی قوشنی‌سی صفتیده تأثیر آستیده آلگن. او افغانستانده‌گی ترکتبارلرنینگ جمعیتی گه اشاره قیلیب ایتیشیچه، شو یوزه‌دن افغانستانده‌گی اوزگریش‌لیکلر ترکیه نینگ توجه‌سیگه قرار تاپگن.
مولود چاووش اوغلو نینگ ایتیشیچه: «افغانستان بیلن خاص علاقه‌میز بار، شو یوزه‌دن ترک کینگشی نینگ نهایی بیانیه‌سی، دنیا گه اونملی پیامی بولیشی کیره‌ک.»
ترکیه ده ترک‌زبان مملکتلر کینگشی نینگ ییغینیده، افغانستان ده یاردم یوباریلیشی و تینچلیک تأمین‌لنیشی و شونینگدیک مهاجرلیک نینگ آلدینی آلینیشی و بو مملکتده ترورچیلیک نینگ ریشه‌سینی تاپیلیشی بحث آستیده آلینگن.
