ترکیه جمهور رئیسی رجب طیب اردوغان نینگ ایتیشیچه، انقره و طالبان آره‌سیده کابل خلق ارا قونالغه‌سی مدیریتی حقیده کیلیشوودن آلدین افغانستانده اسلامی امارت تامانیدن هرتامانلمه حکومت ایجاد ایتیلیشی کیره‌ک.
بیزلرنینگ فیسبوک صحیفه‌میزگه باش اورینگ!
بوندن آلدین ترکیه رسمی‌لری، کابل خلق ارا قونالغه‌سی مدیریتی و خوفسیزلیک نی تامین‌لش خصوصیده یاردم بیریشی‌دن خبر بیرگن ایدی.
ترکیه جمهور رئیسی نینگ اوتگن کونی «سیبیاس» خبری شبکه‌سی بیلن اوتکزگن صحبتیده ایتیشیچه، حاضرده افغانستان حکومتی هرتامانلمه ایمس و اسلامی امارت تامانیدن هرتامانلمه حکومت ایجاد ایتیلمه‌گن صورتده، ترکیه اوشبو مملکت‌ده حضور تاپمه‌یدی.
عین‌حالده، اسلامی امارت نینگ اعلان قیلیشیچه، کابل خلق ارا قونالغه‌سی نینگ فنی قیین‌چیلیکلری حل ایتیلگن و اوشبو قونالغه ایچکی و تشقی پروازلر یوزیگه آچیلگن.
تشقی ایش‌لر وزیرلیگی سوزلاوچیسی عبدالقهار بلخی، بیر توییت آرقه‌لی بوتون هوایی شرکت‌لردن خلق ارا پروازلرینی کابل قونالغه‌سی آرقه‌لی باشلش‌لرینی سوره‌گن.
اونینگ یازیشیچه، سونگی سیاسی تحولات سبب، مملکت هوایی سکتورلری بیرقطار فنی قیین‌چیلیکلر بیلن روپه‌ره بولگن ایدی و نتیجه‌ده مملکت یشاوچی‌لریدن کوپ قطاری تشقی مملکت‌لرده بند قالگن ایدیلر.
