ترکیه آناتولی خبرگزارلیگی نینگ گزارش بیریشیچه، ترکیه و قطر اسلامی امارت رسمی‌لری بیلن کابل خلق ارا قونلغه‌سی نینگ مدیریتی خصوصیده دستلبکی کیلیشوو گه قول تاپگنلر.
آناتولی اوتگن کون ترکیه و قطر دیپلماتیک منبع‌لریدن نقل قیلیب یازیشیچه، بیر کیلیشوو اساسیده اوشبو ایکی مملکت، کابل خلق ارا قونلغه‌سی گه علاوه، افغانستانده باشقه قونلغه‌لرنینگ قوشمه شکلده مدیریت قیلیش‌لری ممکن دیگن ایدی.
اوتگن هفته پنجشنبه کونی ترکیه و قطر رسمی‌لریدن قوشمه بیر هیأت، سوزلشوو و کابل خلق‌ارا قونلغه‌سی نینگ قوشمه مدیریتی اوستیگه کیلیشیلگنیدن کیین، اسلامی امارت رسمی‌لری بیلن سوزلش اوچون کابل کیلگن. مذکور اوچره‌شووده تامانلر، کیله‌جک کونلرده کیلیشوونینگ تفصیلاتی و سوزلشوولر فنی کمیته‌لر آرقه‌لی دوام تاپیشی اوچون فنی تیم‌لر تشکیل ایتیلیشی خصوصیده کیلیشگن.
بیزلرنینگ فیسبوک صحیفه‌میزگه باش اورینگ!
گزارش‌لر اساسیده، ترکیه و قطر قوشمه هیاتی کابل‌دن دوحه گه کیتیب و قوشمه فعالیت‌لری نی دوام بیریش‌لری ممکن. ترکیه و قطر رسمی‌لری حاضرگچه بوتوغریده رسمی بیانیه ترقتمه‌گنلر. عین حالده، شونینگدیک اسلامی امارت رسمی‌لری نینگ ایتیش‌لریچه، حاضرگچه قونلغه نینگ مدیریتی خصوصیده کیلیشوو صورت تاپمه‌گن؛ بیراق بوتوغریده سوزلشوولرنینگ دوامی بار.
افغانستان نینگ حاضر کابل، بلخ، قندهار، هرات و خوست ولایت‌لریده ۵ خلق‌ارا قونلغه‌سی بار. شونینگدیک ترکیه بوندن آلدین هم اعلام قیلگن ایدی که قطر و افغانستان بیلن کیلیشگن صورتده، افغانستان خلق ارا قونلغه‌سی نینگ اداره و امنیتی نی تامین قیلیشی ممکن.
افغانستان دن ناتو و آمریکا کوچلری نینگ چیقیشی و اسلامی امارت نینگ اوشبو مملکت گه حاکم بولیشی بیلن، قونلغه‌لرده عادی پروازلر پروسه‌سی توختلگن ایدی و حاضرگچه مذکور پروسه سابق کبی بولمه‌گن.
