ترکیه جمهورلیک ریاست دفتری نینگ معلوماتی اساسیده، بو مملکت و روسیه افغانستان ده ینگی‌دن ایجاد ایتیله‌دیگن دولت بیلن علاقه‌لرنی اویغونلشتیریش خصوصیده کیلیشگن.
ترکیه جمهورلیک ریاست دفتری بیر بیانیه نشر قیلیب ایتیشیچه، یکشنبه کونی ترکیه جمهوررئیسی رجب طیب اردوغان و روسیه جمهوررئیسی ولادیمیر پوتین آره‌سیده‌گی تلیفونی سوزلشووده مذکور کیلیشوو صورت تاپگن.
اوشبو بیانیه اساسیده، اردوغان افغانستان ده قدرت تینچ بیر شکلده انتقال تاپیشی و طالبان ینه بیر مرته سابق خطالرینی تکرار قیلمه‌ی و برچه قوم و گروه‌لرنینگ قبول قیلیش‌لری توغریسیده امید بیلدیرگن. ترکیه و روسیه نینگ ایتیشیچه، طالبان حکومتی نینگ تانیش اوچون هیچ قنده‌ی عجله‌لری یوق.
بیزلرنینگ فیسبوک صحیفه‌میزگه باش اورینگ!
بیانیه‌ده کیلیشیچه، جمهوررئیس اردوغان بو عقیده که طالبان بیلن سوزلشوو دروازه‌لری آچیلیب و قتیق شرط‌لر یرهتیلیشی اورنیده، کیلیشوو صورت تاپیشی یخشی دیر. او طالبان نینگ ملایم لحنی نی خوش قرشی‌لب بیراق تأکید قیلیشیچه، طالبان نینگ سوزلری ایمس، بلکیم بو گروه نینگ عملکردی کیله‌جک پروسه‌نی شکل بیره‌دی.
اردوغان نینگ ایتیشیچه، شرایط مساعد بولگنده، ترکیه کابل قونلغه‌سی نینگ خوفسیزلیگی نی تأمین قیلیش مسئولیتی نی بوینیگه آلیش احتمالی بار.
