آق سرای سوزلاوچی‌سی جن ساکی نینگ ایتیشیچه، آمریکا جمهور رئیسی جو بایدن طالبان نینگ تجاوز و زوروانلیگی‌گه قرشی یوزمه‌یوز بولیش زمانی کیلگنی‌نی بیلدیریب و افغانستان امنیتی و دفاعی کوچلری طالبان‌گه قرشی مقاومت قیلیش اوچون اساسی شکلده تعلیم کوریب و ییترلیچه امکانیت‌‌لری بار دیگن.
طالبان نینگ هجوم‌لری شدت‌لنگنی و نیمروز و جوزجان ولایت‌لری نینگ اوشبو گروه قولی‌گه سقوط قیلگنیدن سونگ، آمریکا طالبان اوشبو حرکتی‌نی قارهلب و اونی ناقانونی عنوان قیلگن.
آمریکا نینگ کابلده‌گی ایلچی‌لیگی اوتگن کونی بیر اعلامیه نشر قیلیب طالبان تامانیدن زوردن تحمیل ایتیله‌دیگن حکومت قبول‌لنمه‌یدی و دوحه کیلشوونامه‌سیگه قرشی دیگن ایدی.
اوشبو اعلامیه‌ده ایتیلیشیچه، طالبان نینگ سونگی سعی و حرکتی افغانستانده انسانی بحرانی کوپه‌یتیرگن و طالبان نینگ تینچ هالی حقوقلریگه قرشی حرمت‌سیزلیگی نی کورسته‌دی.
ایتیلیشیچه، دوحه سوزلشوویده طالبان نماینده‌لری شهرلرگه هجوم قیلمه‌یش‌لری خصوصیده آمریکا گه ایشانچ بیرگن ایکنلر.
طالبان نینگ ولایت‌لر مرکزلریده‌گی هجوم‌لری کوپه‌یگنیدن سونگ، اوتگن کونی شام چاغیده آمریکا نینگ بی ۵۲ اوچاغ‌لری شبرغان شهریده طالبان جنگریلرینی هجوم آستیگه قرار بیرگن و نتیجه‌ده طالبان جنگریلریدن کمیده ۲۰۰ ته‌سی هلاک ایتیلگن.
