امریکا مرکزی قوماندانلیگی (سنتکام) ایران گه قرشی کیتمه-کیت هجوملرنینگ ییتینچی کیچهسی یکونلنگنینی بیلدیردی.
سنتکام، ایکس اجتماعی ترماغیده بیر بیانیه ترقهتیب، اوشبو هجوملر بوگون (۲۷ سرطان/۱۸ جولای، شنبه) ایرتهلب یکونلنگن و بو عملیات جریانیده امریکا حربی کوچلری قیروچی اوچاقلر، هوا درانلری، حربی کیمهلردن فایدهلنیب ایراننینگ نظارت قیلووچی مرکزلری، حربی لوژستیک آست قوریلمهلری، قورال-یراغ سقلاوچی ییر آستیدهگی انبارلریگه ضربه بیرگنینی بیلدیرگن.
امریکا مرکزی قوماندانلیگی، شونینگدیک ایران بندرلرینی محاصره قیلیش دوام ایتتیریلیشینی قوشیمچه قیلگن. امریکا اوتگن هفته سهشنبه کونی ایران بندرلرینی قیتهدن محاصره قیلیشنی باشلهدی. ایران و امریکا اورتهسیدهگی کیسکینلر سونگی کونلرده کوچهیگن و ایکی مملکت بیر-بیریگه قرشی هجوملریگه دوام ایتتیرماقده.
