فلسطین ساغلیقنی سقلش رسمیلری، اسرائیلنینگ غزه تورلی حدودلریده اویوشتیرگن هجوملری عاقبتیده چمهسی ۱۵۰ کیشی هلاک بولیب و باشقه ۵۴۰ کیشی یرهلنگنینی معلوم قیلهدیلر.
خلقارا یېتکرمهلرنینگ گزارشی گه کوره، بو کیشیلر ۱-میزان، سهشنبه کونی اسرائیل اردوسینینگ غزه ایریم حدودلری اینیقسه شمالده اویوشتیرگن هجوملریده اولیب و یرهلنگن.
معلوماتلر اساسیده، اوشبو کیشیلرنینگ ۳۶ نفری اوتگن کون اسرائیل اردوسینینگ غزه گه هوا هجوملریده هلاک بولگن.
شو بیلن بیرگه، اسرائیل غزه شهرینی باسیب آلیش و یشاوچیلرینی آواره قیلیش اوچون هجوملرینی کوچهیتیرگن.
بیرلشگن ملتلر تشکیلاتی انسان حقلری کمیسیونی، اسرائیلنینگ حربی حرکتلری غزه شهری یشاوچیلرینینگ دهشت گه توشیشی گه سبب بولیب و مینگلرچه کیشینی آواره قیلگنینی ایتگن.
بیرلشگن ملتلر تشکیلاتی عمومی ییغیلیشیده دنیا یېتکچیلری غزهده اسرائیل و حماس اورتهسیدهگی توقنشوولر گه چېک قوییلیشینی سورهگن بیرحالده،اسرائیل اردوسی فلسطینلیکلر گه قرشی هجوم و غزه شهری تامان باریشیگه دوام اېتیرماقده.
فلسطین ساغلیقنی سقلش وزیرلیگی گه کوره، اسرائیل و حماس اورتهسیده توقنشوولر باشلنگنیدن بیری ۶۵ مینگدن آرتیق فلسطینلیک هلاک بولیب و باشقه ۱۶۴ مینگ کیشی یرهلنگن. اسرائیل هم غزه اوروشیده مینگدن آرتیق اهالیسینی قولدن بیرگن.
