لبنان ساغلیقنی سقلش وزیرلیگینینگ اعلام قیلیشیچه، اوتگن ۲۴ ساعت ایچیده اسرائیلنینگ اویوشتیرگن هجوملری نتیجهسیده، بو مملکتده ۵۱ کیشی قربان بولگن.
خلقارا ییتکرمهلرنینگ بوگون (۲۱-ثور/۱۱-می، دوشنبه)، گزارش بیریشیچه، اسرائیل لبنان جنوبیگه قرشی هجوملرینی کوچهیتیرگن.
لبنان ساغلیقنی سقلش وزیرلیگینینگ معلوماتی اساسیده، ایکینچی مارچدن حاضرگچه بو مملکت بویلب اسرائیلنینگ اویوشتیرگن هجوملریده، ایکی مینگ ۸۴۶ کیشی قربان بولگن.
شونینگدیک بیرلشگن ملتلر تشکیلاتینینگ اعلام قیلیشیچه، اوشه پیتدن بویان اسرائیل آرقهلی اویوشتیریلگن ۱۳۰ دن آرتیق هجوم عاقبتیده، لبناننینگ دوالنیش بولیمی خادملریدن کمیده ۱۰۳ تهسی اولیب و باشقه ۲۳۰ تهسی یرهلنگن.
ایکینچی مارچدن بیری، اسرائیل هجوملری نتیجهسیده لبنان ده ۱.۲ میلیوندن آرتیق کیشی آواره بولگن. ۱۶-اپریل ده آتیش کیسین برقرار بولگنی بیرحالده، بیراق هجوملر دوام قیلماقده.
