کیلگوسی پنج‌شنبه کونی مسکو ده افغانستان، طالبان و باشقه مملکت‌لردن قطاری نینگ نماینده‌لری آره‌سیده قوشمه بیر ییغین یولگه قوییلیشی گه قرار قیلینگن بیرحالده، بوگون (سه‌شنبه ۲۶- حوت) افغانستان ملی کنگره حزب رهبری عبدالطیف پدرام کابل ده خبری بیر ییغین اوتکزیب ایتیشیچه، او بو ییغین گه شرکت قیلمه‌یدی، بیراق بو ییغینده ایکی اونملی موضوع اوستیگه بحث قیلینیشی ممکن کیم بیری انتقالی دولت و باشقه بیری ایسه ینگی دولت رئیسی تعیین ایتیلیشی دیر.
شونده‌ی بیرحالده، افغانستان بوییچه چین ایلچیسی بیر مصاحبه اوتکزیب ایتیشیچه، چین نماینده‌سی مسکو ییغینی گه شرکت قیلیشی ممکن. بیراق ییغین نینگ آجنداسیدن خبری یوق.
شونینگدیک ملی مصالحه عالی کینگش اعضالریدن بیری شاهزاده شاهد نینگ سلام‌وطندارگه ایتیشیچه، بو ییغینده قیسی موضوعلر اوستیگه بحث قیلینیشی حاضرگچه بیللی بولمه‌گن.
عین حالده، قطر ده طالبان سیاسی دفتری سوزلاوچیسی بیر توییت آرقه‌لی ایتیشیچه، قطر ده طالبان سیاسی دفتری باشلیغی ملا برادر ییتکچیلیگیده ۱۰ کیشی‌لیک بیر هیأت مسکو ییغینی گه شرکت قیله‌دی.
شونینگدیک افغانستان ۹ کیشی‌لیک هیأتی مذکور ییغین گه شرکت قیلیشی توغریسیده هم قطار گزارشلر نشر ایتیلگن کیم اولرنینگ آره‌سیده مملکت سیاسی سیمالریدن قطارینی آتی کورینه‌دی.
