واشنگتن‌تایمز کونده‌لیگی نینگ گزارش بیریشیچه، آمریکالیک ییریک رسمی‌لر افغانستان دن چیقیش پروسه‌سی توغریسیده جواب بیریش اوچون مذکور مملکت کانگرسی ده احضار قیلینیشی گه قرار قیلینگن.
گزارش ده کیلیشیچه، آمریکا نماینده‌لر کینگشی و سناسی افغانستان دن چیقیش پروسه‌سی نینگ ناکام‌لیگی توغریسیده نیچه ییغین یولگه قویه‌دی و مذکور مملکت تشقی سیاست و ملی خوفسیزلیک ییریک مصلحتچی‌لری کیلگوسی کونلر و هفته‌لرده بو مملکت کانگرسی ده احضار قیلینیشی گه قرار قیلینگن.
واشنگتن تایمز نینگ یازیشیچه، آمریکا تشقی ایشلر وزیری آنتونی بلینکن نماینده‌لر کینگشی نینگ تشقی ایشلر کمیته‌سی و شونینگدیک آمریکا سناسی نینگ تشقی علاقه‌لر کمیته‌سیده حاضر بوله‌دیگن بیرینچی کیشی دیر.
گزارش ده ایتیلیشیچه، افغانستان یشاوچی‌لری نینگ آمریکا حربی اوچاغیدن توشیب کیتیشی و کوپینچه افغانستان تینچ‌اهالیسی و چیت‌ایللیک کوچلرنینگ هلاک بولیشی گه سبب بولگن کابل خلق‌ارا قونالغه‌سی نینگ یقیین‌لیگیده یوز بیرگن پارتلش صورت تاپگن بیرحالده، آمریکا جمهوررئیسی نیچه مرته ویتنام دن چیقیش پروسه‌سی تکرار بولمه‌سی و شونینگدیک افغانستان تیزلیککه و بوتونلی طالبان نظارتی گه اوتمه‌سیدن ایشانچ بیرگن ایدی.
بیزلرنینگ فیسبوک صحیفه‌میزگه باش اورینگ!
گزارش اساسیده، بایدن جاری میلادی ییل نینگ ۸- جولای ده خبری بیر ییغینده بونده‌ی بیر تضمین بیرگن ایدی. رسانه‌لرنینگ ایتیش‌لریچه، بایدن مذکور ییغینده افغانستان طالبان نظارتی گه اوتیشی توغریسیده‌گی خواطرلرنی رفع قیلیب و تأکید قیلگن ایدی که میلادی ۱۹۷۵- ییل ویتنام ده آمریکا ایلچی‌خانه‌سی کبی حادثه تکرار بولمه‌سی ممکن.
آمریکا نماینده‌لر کینگشی‌دن اوچ جمهوری خواه آق سرای گه نامه یوباریش بیلن ایتیش‌لریچه، اولر افغانستان ده قنده‌ی و نیمه اوچون بونده‌ی بیر اشتباه تکرار بولگنی نی تیکشیریش ایسته‌یدیلر.
آمریکا سنا کینگشی نینگ قوراللی حربیلر کمیته باشلیغی جک رید نینگ ایتیشیچه، بو مملکت حربی‌لری نینگ افغانستان دن چیقیشی و اونینگ نتیجه‌لری توغریسیده سوراق‌لری بار.
