Asset 1SWN

سلام وطندار

افغانستان وضعیتی نینگ ثبات‌سیزلیگی؛ آمریکا ایلچی‌لیگی کابلده بولگن یشاوچی‌لرینی آگاه‌لنتیردی

us.embbassy-1-oyqd66eqnqe9rx7upy5ybjq4hkp72tjiad6e378lg4

بوگون “شنبه” کابل شهریده اویوشتیریلگن راکتی هجوم دن سونگ، کابل بوییچه آمریکا ایلچی‌لیگی افغانستان نینگ جاری وضعیتی‌نی خواطرلنترووچی عنوان قیلیب و اوشبو مملکت‌ده بولگن یشاوچی‌لرینی آگاه‌لنتیرگن.

کابل بوییچه آمریکا ایلچی‌لیگی نینگ اوشبو مملکت تشقی ایش‌لر وزیرلیگی دن نقل قیلیب یازیشیچه، افغانستان نینگ وضعیتی «ناپایدار» دیر.

آمریکا ایلچی‌لیگی، اوشبو مملکت یشاوچی‌لرینی آگاه‌لنتیریب افغانستان‌گه سفر قیلمه‌یش‌لرینی سوره‌گن.

آمریکا ایلچی‌لیگی، آمریکا نینگ افغانستان‌ده بولگن یشاوچی‌لریگه امنیتی برنامه‌لریگه دقت قیلیش‌لرینی سوره‌گن.

کابل بوییچه آمریکا ایلچی‌لیگی نینگ تاکید قیلیشیچه، حاضرده هم آمریکا یشاوچی‌لریگه قرشی جدی تهدیدلر بار.

افغانستان ایچکی ایشلر وزیرلیگی نینگ اعلان قیلیشیچه، کابل شهریده ۱۴ راکت نینگ اصابت قیلگنی نتیجه‌سیده، ۸ کیشی هلاک و باشقه ۳۱ کیشی یره‌لنگن.

ایچکی ایش‌لر وزیرلیگی سوزلاوچیسی طارق آرین نینگ فیسبوک صحیفه‌سیده یازیشیچه، اوشبو راکت‌لردن بیرقطاری مسکونی اوی‌لرگه اصابت قیلگن.

حاضرگه‌قدر هیچ کیشی یا-ده گروه بو واقعه مسوولیتی‌نی بوینیگه آلمه‌گن.

مرتبط با این خبر:

کلیدی کلمه‌لر: // //

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام