کابل بوییچه آمریکا ایلچی‌خانه‌سی مملکت یشاوچی‌لری کابل قونلغه‌سی اوستیگه هجوم قیلگنی گه عکس‌العمل کورسه‌تیب ایتیشیچه، آمریکا مملکتی تامانیدن حجتی تصدیق‌لنمه‌گن کیشیلر قونلغه گه بارمه‌یشی کیره‌ک.
کابل ده آمریکا ایلچی‌خانه‌سی افغانستان یشاوچی‌لریگه خطاب ایتیشیچه: «تأیید بولمه‌گن چقیروونامه بولمه‌گن صورتده، سیزلرگه کابل قونلغه‌سیگه کیریش اوچون رخصت بیریلمه‌یدی.»
شونینگدیک مذکور نهاد آمریکا تابعیتی گه ایگه بولگن کیشلر، مهاجرلیک خاص ویزاسینی ایسته‌گن کیشیلر یا هم آمریکا دولتی گه تیگیشلی بولگن کیشیلردن، کابل قونلغه‌سیگه کیریش اوچون بویروغ آلمه‌گن صورتده، قونلغه گه مراجعت قیلمه‌یش‌لری سوره‌لگن.
بیزلرنینگ فیسبوک صحیفه‌میزگه باش اورینگ!
شونینگدیک کابل بوییچه آمریکا ایلچی‌خانه‌سی مهاجرلیک خاص ویزه‌سی توغریسیده ایتیشیچه، بو پروسه زمان آله‌دی و درخواست بیرگن کیشیلر کیینگی بویروغ گچه کوتیب توریش‌لری کیره‌ک.
مملکتدن چیت‌ایللیک کوچلر و یشاوچیلرنینگ چیقیش پروسه‌سی باشلنگنیدن کیین، حجت و سندی بولمه‌گن ۱۰ مینگ‌لرچه کیشی کابل قونلغه‌سی نینگ دروازه‌لریگه هجوم قیلیب و مملکت نی ترک قیلیش نی ایسته‌گنلر. بو ایش ایسه بوشه‌یتیریش عملیات نینگ سیکین‌لیگی گه سبب بولگن. سونگی نیچه کون جریانیده نیچه کیشی گاوجوم‌لیک باعث هلاک و یره‌لنگن.
