آمریکا نینگ ۲۶۶ میلیون دالرلیک ینگی یاردمی بیلن، افغانستان بوییچه آمریکا نینگ خلق‌ارا رواجلنتیریش اداره‌سی یا USAID نینگ ایتیشیچه، افغانستان بیلن همکارلیگی گه دوام بیره‌دی.
دوشنبه کونی افغانستان بوییچه آمریکا ایلچی‌خانه‌سیده نطق سوزله‌‌گن مذکور مملکت خلق‌ارا رواجلنتیریش اداره‌سی سرپرستی کارن ال فریمن نینگ ایتیشیچه، مذکور نهاد اوشبو مالی یاردم بیلن قورغاوچیلیک، بدرغه‌لیک، کووید ۱۹ کسل‌لیگی و شونگه اوخشش قیینچلیک‌لرنی حل قیلیش اوچون حرکت قیله‌دی.
افغانستان بوییچه آمریکا نینگ خلق‌ارا رواجلنتیریش اداره‌سی سرپرستی نینگ ایتیشیچه: «بیزلر افغانستان دن حمایت قیلیش گه دوام بیره‌میز و بو یاردملر اساسی خدمتلر ارایه ایتیلیشی، آوقت خوفسیزلیگی و عیاللردن حمایت قیلیش گه تمرکز قیلگن. بیزلر بیله‌میز افغانستان قورغاوچیلیک وضعیت گه کیره‌دی. شو یوزه‌دن ایشانچ قولگه کیلتیریشی‌میز کیره‌ک که بیزلرنینگ انسان دوستلیک برنامه‌لریمیز، اساسی احتیاجات‌لرنی رفع قیله‌دی.»
خانم فریمن نینگ اورغولشیچه، بودجه یا مدنی جماعه‌چیلیک تشکیلاتلر تامانیدن صرفلنه‌دیگن یاردملر، تنیق بولیشی خصوصیده حرکت قیلینیشی کیره‌ک.
افغانستان بوییچه آمریکا نینگ خلق‌ارا رواجلنتیریش اداره‌سینی مدیریت باشلیغی داتر تینا دولی-جونیس نینگ ایتیشیچه، مذکور نهاد افغانستان نی واکسین گه قول تاپیش، اکسیژن ایشلب چیقاره‌دیگن و مصنوعی نفس آلیش دستگاهی یا وینتلیتور گه قول تاپیش خصوصیده یاردم بیره‌دی. «بیزلر اکسیژن ایشلب چیقاره‌دیگن ۴ دستگاه نی افغانستان نینگ اختیاری گه قوییش خصوصیده وعده بیره‌میز.»
بیزلرنینگ فیسبوک صحیفه‌میزگه هم باش اورینگ!
USAID کرونا گه چلینگن مینگ‌لرچه کسل‌لرگه یاردم بیریش اوچون اوتگن ییل ۱۰۰ پایه مصنوعی نفس آلیش دستگاهی نی، افغانستان نینگ ساغلیک بولیمی اختیاری گه قرار بیردی.
آمریکالیک رسمی‌لرگه کوره، واشنگتن افغانستان گه یاردم‌لرینی اینیقسه انسان‌دوستلیک، سوز ایرکین‌لیگیدن حمایت قیلیش، باش‌پناه، معیشتی فرصتلر، اساسی ساغلیک مراقبتلر، سوو و آوقت بولیمی ده کوپه‌یتیرگن.
مملکت تشقی ایشلر وزیرلیگی چیت‌ایللیک کوچلر افغانستان نی ترک قیله‌دیگن بیرحالده، آمریکا تامانیدن ۲۶۶ میلیون دالر یاردم ایتیلگنی نی خوش قرشی‌لگن. مذکور وزیرلیک بیر بیانیه آرقه‌لی ایتیشیچه، مذکور وزیرلیک بو یاردم‌لردن فایده‌لنیش بیلن انسانلرنینگ حیاتی نی قوتقریش، باش پناه و معیشت تیارلش، ساغلیک مراقبتلر و سوو آوقت تیارلش خصوصیده وعده بیره‌دی.
شونده‌ی بیرحالده، جمعه کونی آمریکا تشقی ایشلر وزیرلیگی آنتونی بلینکن نینگ اعلام قیلیشیچه، مملکتی انسان دوستلیک یاردملر چارچوبه‌سیده ۲۶۶ میلیون دالر افغانستان گه یاردم بیره‌دی. جناب بلینکن بیر بیانیه آرقه‌لی ایتیشیچه، مذکور یاردم، یاردم گه احتیاجی بولگن افغانستان یشاوچی‌لریدن ۱۸ میلیون ته‌سینی پوشش بیره‌دی. جمله‌دن ۴.۸ میلیون ایچکی بدرغه.
بیزلرنینگ توییترده هم تعقیب قیلینگ!
آمریکا تشقی ایشلر وزیرلیگی نینگ ایتیشیچه، یالغیز جاری ییل ده آتیشمه‌لر باعث ۱۱۵ مینگ کیشی افغانستان ده بدرغه بولگن و افغانستان گه قیتگن کمیده ۵۰۰ مینگ کیشی یاردم گه احتیاجی بار.
آمریکا تشقی ایشلر وزیرلیگی نینگ بیانیه‌سی اساسیده، مذکور یاردملر بیلن میلادی ۲۰۰۱- ییل دن بویان آمریکا نینگ افغانستان گه بیرگن انسان دوستلیک یاردمی ۳.۹ میلیارد دالر گه ییتیشگن.
آمریکا تشقی ایشلر وزیرلیگی ینه بیر مرته سیاسی سوزلشوولر آرقه‌لی افغانستان قیینچلیک‌لری حل ایتیلیشی و افغانستان ۴۰ ییل‌لیک اوروشی یکونله‌نیشی اوچون دایمی آتیش کیسین و تینچلیک سوزلشوولری تیزلشتیریلیشی توغریسیده واشنگتن نینگ افغانستان رهبرلری و طالبان گروهیدن قیلگن ایسته‌گی نی تکرارله‌دی.
