واشنگتن پُست کونده‌لیگی آمریکا رسمی‌لریدن نقل قیلیب یازیشیچه، آمریکا قوشمه ایالت‌لری نینگ جمهور باشلیغی جوبایدن دولتی اسلامی امارت رهبریتی بیلن، افغانستان خلقی آمریکا تامانیدن توسیلگن پوللر گه قول تاپیش مقصدیده بیر ریجه اوستیده ایشله‌ماقده.
واشنگتن پُست گه کوره، اوشبو ایشدن مقصد افغانستان بویلب بشری انقراض و آچرچیلیکنی آلدینی آلیش دیر و اسلامی امارت مذکور پول‌لردن باشقه ایشلر اوچون قوللنه آلمه‌یدی.
بیزلرنینگ فیسبوک صحیفه‌میزگه باش اورینگ!
گزارش گه بناً، مرکزی بانک مسئوللری اوشبو پول‌لردن افغانستان اقتصادینی تیکلش مقصدیده قوللنه‌دیلر.
مذکور گزارش اساسیده، حاضر افغانستان بشری انقراض گه روپه‌ره بولیب و آمریکا دولتی بو وضعیت بیر بولیمی نینگ مسئولی دیر؛ چونکه بایدن دولتی افغانستان مرکزی بانکی نینگ میلیاردلرچه سرمایه‌سینی توسیش گه قوشیمچه، مذکور مملکت نینگ بانکی سکتوری اوستیگه چیکلاو یره‌تدی.
شونینگدیک واشنگتن پست گه کوره، آمریکا رسمیلری اسلامی امارت مقام‌لری بیلن مذاکره‌لر مثبت بولیشیدن خورسندلر، بیراق شو بیلن هم افغانستان سرمایه‌سی اوشبو مملکت خلقی گه قیتیریلیشی اونگیده ایریم توسیق‌لر بارلیگینی معلوم قیلگنلر.
بیزلرنینگ توییترده هم تعقیب قیلینگ!
اسلامی امارت حاکمیتیدن کیین، آمریکا قوشمه ایالت‌لری نینگ جمهور باشلیغی جوبایدن دولتی، افغانستان مرکزی بانکی نینگ آمریکا بانک‌لریده‌گی سرمایه‌لرینی موزلتدی. جوبایدن فبروری آیی ده، اوشبو پوللر نینگ یریمی ۱۱ سپتامبر قربانی‌لری نینگ عایله‌لری گه اجره‌تیلیش فرمانینی امضاله‌دی.
اسلامی امارت سرپرست حکومتی، بو قرار گه قرشی‌لیک کورسه‌تیب و نیچه مرته مذکور پوللر آزاد ایتیلیشینی طلب قیلدی. قطار مملکت‌لر نینگ رسمیلری و بشری نهادلر، بایدن نینگ اوشبو قراری گه قرشی‌لیک کورسه‌تیب، بو سرمایه افغانستان خلقی گه تیگیشلی دیر و اولر اوچون اختصاص بیریلیشینی سوره‌گنلر.
