افغانستان پولی خذمتلر و صرافلر اتفاقی نینگ اعلام قیلیشیچه، اسلامی امارت تامانیدن جواز آلیش خصوصیده قیینچیلیکلر باعث، صرافلردن برچهسی فعالیتلری نی توختهتگنلر.
بوگون مذکور اتفاق تامانیدن ترقهتیلگن قطعنامهده کیلگن که، کوپینچه سعی و حرکتلر بولگن بیرحالده، جواز آلیش پروسهسیده بولگن قیینچیلیک حل بولمهی و اسلامی امارت تامانیدن بیریلگن طرح اساسیده، جواز آلیش بیراز ناممکن بولگن دیر.
بیزلرنینگ فیسبوک صحیفهمیزگه باش اورینگ!
قطعنامهده کیلیشیچه: «اسلامی امارت اقتصادی کمیسیونی گه قیینچیلیگیمیز نی بیان قیلگنمیز و شرکتی جواز خصوصیدهگی قیینچیلیک حل بولگونگه قدر، دکانلریمیز نی یاپیب و بوتون فعالیتلریمیز نی توختهتهمیز.»
افغانستان پولی خذمتلر و صرافلر اتفاقی تاکید قیلگنلر که، بو ایش اسلامی امارت بیلن مخالفت قیلیش مقصدیده ایمس؛ بلکیم اوشبو قرار نی مجبوریتلیک اوچون آلگنلر.
افغانستان مرکزی بانکی نیچه پیت آلدین پولی خذمتلر و صرافلیک شرکتلر نینگ جوازی نی آلیش اوچون ۹ مادهلیک شرطلر نی وضع قیلگن. اوشبو شرطلر اساسیده، بویوک شهرلر اینیقسه کابل، هرات، قندهار و بلخ ده جواز آلهدیگن کیشی کمیده ۵۰ میلیون افغانی مالی منبعلری بولیشی کیرهک.
بیزلرنینگ توییترده هم تعقیب قیلینگ!
مرکزی بانک مکتوبی اساسیده، باشقه ولایتلرده پولی خذمتلر و صرافلر شرکتی نینگ ایجادی اوچون کیرهکلی مالی منبعلر ایسه، ۱۰ میلیون افغانیگچه تعیینلنگن.
مرکزی بانک، صرافلر و پولی خذمتلر شرکتلری نینگ جوازی نی تمدید قیلیش اوچون ۲۰۰ مینگ افغانی تعیین قیلگن. اوشبو بانککه کوره، مذکور شرکتلر جوازی هر اوچ ییلده بیر مرته تمدید بولهدی.