غزنی بازارلریده ساخته پول‌لر اینیقسه آمریکالیک ساخته دالر کوپه‌یشی، اوشبو ولایت صراف‌لری، سوداگرلری و دکاندارلری نینگ خواطری گه سبب بولگن.
غزنی صراف‌لری و دکاندارلریدن قطاری نینگ ایتیشلریچه، سونگی ایکی آی‌ده، ساخته دالرنی آلیش باعث کوپ زیان کورگن‌لر. اولر اسلامی امارت متصدی‌لریدن، مملکت بازارلریده قاچاق و ساخته دالر آلدی آلینیشینی طلب قیله‌دی.
بیزلرنینگ فیسبوک صحیفه‌میزگه باش اورینگ!
غزنی صراف‌لر اتفاقی کاتبی محمدیاسین تقی‌زاده نینگ ایتیشیچه، اوشبو ولایتده‌گی دکاندارلر و سرک‌لرده‌گی صراف‌لردن قطاری نینگ، پول‌نی تشخیص قیلووچی ماشین‌لری یوق و اولر ساخته پول‌لرنی آلیش اوچون کوپ زیان کوریشگن.
پول‌لرنی آلیش-بیریش اوچون کیچک غرفه‌سی بولگن غزنی صرافی بازاریده‌گی صراف‌لردن اسدالله گه کوره، اوشبو کون‌لر ساخته پول‌لر اینیقسه دالر کوپه‌یشی او نینگ تشویشی گه سبب بولگن.
صراف‌لر نینگ تأکیدلشیچه، ساخته دالرنی تشخیص قیلیش قیین دیر و اسلامی امارت اولکه چیگره‌لریده ساخته پول‌لر وارد ایتیلیشینی آلدینی آلیشی کیره‌ک.
بیزلرنینگ توییترده هم تعقیب قیلینگ!
عین‌حالده، غزنی ولایتی امنیه قوماندان‌لیگی نینگ سوزلاوچیسی سیداسحاق صالح گه کوره، قریب ایکی آی جریانیده، ۶ کیشی‌نی ساخته پول‌لر اینیقسه دالرنی وارد ایتیش عیبی بیلن قولگه آلگن‌لر. او غزنی یشاوچیلری گه، قلابکارلر بیلن قانونی یانده شیلیشیدن ایشانچ بیلدیره‌دی.
غزنی بازارلریده ییل‌لر بویلب دالر و کلدارلردن فایده لنیله‌دی و بو ولایت پاکستان بیلن چیگره‌داش بولگنلیگی باعث، اوشبو مملکت‌دن قاچاقی توارلر وارد ایتیلیشی‌دن کوپ زیان کوره‌دی.
