آمریکا نماینده‌لر کینگشی نینگ تسلیحاتی خذمت‌لر کمیته‌سی باشلیغی آدم اسمیت نینگ ایتیشیچه، اوشبو مملکت جمهور رئیسی جو بایدن آمریکا حربی‌لری نینگ تعیین‌لنگن مهلت دن سونگ، افغانستانده سقلشی‌نی ایسته‌یدی.
اونینگ ایتیشیچه، بایدن طالبان گروهی بیلن کیلیشوو صورت تاپگنیدن سونگ، داعش‌گه قرشی مبارزه قیلیش اوچون حربی‌لریدن بیر بولیمی‌نی افغانستانده سقلش موضوعی نی تیکشیرماقده.
آمریکا نماینده‌لر کینگشی اوشبو ییریک عضوی نینگ ایتیشیچه، جو بایدن طالبان بیلن بیر معامله‌نی تیکشیرش اوچون سعی و حرکت قیلماقده و اوشبو گروهی‌نی داعش‌گه قرشی مبارزه قیلیش اوچون آمریکا حربی‌لریدن بیر بولیمی‌نی افغانستانده قالیشی اوچون رخصت بیریشی‌نی ایسته‌یدی.
جناب اسمیت نینگ کوپه‌یتیریشیچه، آمریکا حربی‌لری نینگ افغانستاندن چیقیشی خصوصیده ملی خوفسیزلیک مصلحتچی‌سی جیک سالیوان و آمریکا مدافعه وزیری لوید آستین بیلن صحبت اوتکزگن.
عین‌حالده، آمریکا جمهورلیک ریاستی سوزلاوچیسی جن ساکی نینگ ایتیشیچه، اوشبو مملکت حربی‌لری نینگ افغانستاندن قنده‌ی شکلده چیقیشی خصوصیده جو بایدن و حکومت اعضالری آره‌سیده بحث‌لرینی دوامی بار و بوتوغریده بایدن نینگ قراری تیزلیککه بیللی ایتیلیشیدن امیدوار دیرلر.
آمریکا جمهور رئیسی جو بایدن، اوتگن هفته آمریکا حربی‌لری نینگ جاری ییل می آیی گچه افغانستاندن چیقیشی‌نی زور بیر ایش عنوان قیلگن ایدی.
لیکن، طالبان گروهی جو بایدن نینگ صحبت‌لریگه قرشی کیلیب، آمریکا مذکور ضرب‌الاجل گه عمل قیلمه‌گن صورتده، جدی واکنش‌لری بیلن دوچ کیلشی ممکن‌لیگینی بیلدیرگن.
