اوتگن کون کیچ قورون ترکیه ییغینی اوچون تینچلیک ریجه‌سی نینگ لایحه‌سی دیب ناملنگن ۱۴ صحیفه‌لیک بیر ریجه رسانه‌لرگه چیقدی. مذکور لایحه افغانستان تینچلیک کیلیشووی نامی آستیده تانیشتیریلگن کیم ۴ اصلی بولیمی (افغانستان کیله‌جگی اوچون راهنما اصل‌لری، افغانستان سیاسی نقشه‌سی، افغانستان کیله‌جگی نینگ سیاسی تیزیمی و اوروش یکونله‌نیشی) دیر.
گلبدین حکمتیار رهبرلیگیده اسلامی حزبی و محمدکریم خلیلی رهبرلیگیده اسلامی وحدت حزبی مذکور ریجه‌دن تنقید قیلیب ایتیش‌لریچه، بو ریجه جامع ایمس دیر و اونینگ کوپ قیینچیلیک‌لری بار.
گلبدین حکمتیار رهبرلیگیده اسلامی حزب مطبوعات رئیسی همایون جریر نینگ ایتیشیچه، اسلامی حزبی ملی مصالحه عالی کینگشی ده هیچ قنده‌ی ریجه بیرمه‌گن و بو ریجه یالغیز دولت و ملی مصالحه عالی کینگشی نینگ توشونچه‌لری دیر.
جناب جریر نینگ ایتیشیچه، تشقری چیققن ریجه بیر مقاله گه اوخشه‌یدی کیم اونینگ ایکی اساسی نکته‌سی بار. بیری گه دولت نینگ فکری و توشونچه‌سی و ایکینچیسی ده ایسه مصالحه کینگشی نینگ فکری شامل بوله‌دی.
شونینگدیک محمدکریم خلیلی رهبرلیگیده اسلامی وحدت حزبی نینگ سیاسی دفتری باشلیغی قربان‌علی فصیحی مذکور ریجه دن تنقید قیلیب ایتیشیچه، تیزیم قنده‌یلیگی و مذاکره قیلووچی تامانلر بحث قیلینه‌دیگن موضوعلر دیر. اونگه کوره، بو لایحه ده یالغیز ایکی تامان نینگ فکری سیغدیریلگن و باشقه تامانلر ایسه اونوتیلگن.
شونینگدیک بو توغریده ملی مصالحه عالی کینگشی نینگ فکرینی آلیش اوچون حرکت قیلدیک، بیراق موفق بولمه‌دیک.
مذکور لایحه حاضرگچه ملی مصالحه عالی کینگشی نینگ رسمی‌لری تامانیدن تصدیق و یا رد بولمه‌گن، بیراق اولر بوندن آلدین استانبول ییغینی اوچون افغانستان تینچلیک ریجه‌سی نینگ لایحه‌سی نهایی بولگنینی بیلدیریشگن ایدی.
افغانستان ده تیز و دایمی آتیش کیسین، اوروش یکونله‌نیشی، دموکراتلیک ارزش‌لری و اساسی قانون سقله‌نیشی و اوته‌دیگن بیر حکومت بو ریجه نینگ اونملی موردلریدن دییلگن.
