افغانستان تینچلیگی بوییچه آمریکا خاص نماینده‌سی زلمی خلیل‌زاد نینگ ایتیشیچه، دنیا افغانستان دن استانبول ییغینی ده بیر ریجه بیلن باریشی نی کوتیب تورگن. جناب خلیل‌زاد بوگون (شنبه ۲۱- حمل) ملی مصالحه عالی کینگش باشلیغی عبدالله عبدالله، بیلن اوتکزگن اوچره‌شوویده بونده‌ی بیانات بیرگن.

جناب خلیل‌زاد بوگون کابل کیلیب و جمهوررئیس محمداشرف غنی و عبدالله عبدالله بیلن اوچره‌شگن. افغانستان تینچلیگی بوییچه آمریکا خاص نماینده‌سی زلمی خلیل‌زاد نینگ اورغولشیچه، آمریکا افغانستان نینگ سعی و حرکت‌لریدن حمایت قیلیب و تینچلیک اوچون افغانستان اهالیسی نینگ یانیده توره‌دی.

ملی مصالحه عالی کینگشی نینگ ایتیشیچه،‌ خلیل‌زاد مذکور کینگش نینگ چتری آستیده اجماع ایجاد ایتیلگنیدن قدردانلیک قیلگن. خلیل‌زاد نینگ ایتیشیچه: «دنیا و آمریکا تینچلیک پروسه‌سی تیزلشتیریلیشی و اوروش یکونله‌نیشی و تینچلیک تأمین‌لنیشی اوچون اورته گه کیلگن فرصت‌لردن کوپ قولله‌نیشی نی ایسته‌یدی.» افغانستان تینچلیگی بوییچه آمریکا خاص نماینده‌سی برچه اوروش تامان‌لریدن اوروش یکونله‌نیشی و دایمی بیر تینچلیککه قول تاپیش اوچون همکارلیک قیلیش‌لرینی سوره‌‌گن.

شونینگدیک مذکور اوچره‌شووده ملی مصالحه عالی کینگش اورین‌باسرلری،‌ مذکور کینگش رهبرلیک اعضالری و مملکت سیاسی سیمالریدن قطاری موجود ایکن. ملی مصالحه عالی کینگش باشلیغی بو اوچره‌شووده ایتیشیچه،‌ افغانستان عدالت‌لی و دایمی بیر تینچلیککه قول تاپیش اوچون متعهد دیر.

عبدالله عبدالله نینگ کوپه‌یتیریشیچه، ملی مصالحه عالی کینگشی تینچلیک تأمین‌لنیشی اوچون حرکت قیله‌دی و بو نهاد جمهوریت فکرلرینی بیر قیلیش اوچون اونملی اَدیم‌لر کوتارگن و افغانستان اسلامی جمهوریتی قوشمه ریجه و فکر بیلن استانبول ییغینی گه کیته‌دی.

باشقه بیر تاماندن جمهوررئیس‌لیک سرایی نینگ اعلام قیلیشیچه، شونینگدیک بوگون توشدن آلدین جمهوررئیس غنی و زلمی خلیل‌زاد تینچلیک پروسه‌سی و افغانستان تینچلیگی توغریسیده‌گی استانبول ییغینی اوچون آلینگن تیارگرلیکلر حقیده ارگ ده صحبت اوتکزگن.

گرچند مذکور ییغین یولگه قوییلیشی نینگ تاریخی بیللی بولمه‌گن؛ بیراق بوندن آلدین مذکور ییغین ۱۶- جاری میلادی آیده یولگه قوییلیشی بیلدیریلگن ایدی. ایتیلیشیچه، بو ییغین ده دولت رهبرلیگی، سیاسی سیمالر و طالبان گه علاوه، باشقه مملکتلر نماینده‌لری هم شرکت قیلیشی ممکن.

ایتیلیشیچه، افغانستان دولتی تولیق قول بیلن استانبول ییغینی گه شرکت قیلیشی ممکن. ملی مصالحه عالی کینگش باشلیغی عبدالله عبدالله، بو ییغین نی افغانستان اوچون کوپ اونملی دیگن.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام