کابل پولیس قومندانلیگی سوزلاوچیسی فردوس فرامرز نینگ ایتیشیچه، بوگون کابل نینگ شکر دره تومنیده‌گی «مفتی نعمان» مسجدی ده یوزبیرگن پارتلش ده ۱۲ کیشی جان بیرگن. جناب فرامرز نینگ کوپه‌یتیریشیچه، هلاک بولگنلر آره‌سیده مذکور مسجد امامی مفتی محمدنعمان هم شامل دیر.
کابل پولیس قومندانلیگی نینگ سوزلاوچیسی گه کوره، بو پارتلش ده باشقه ۱۵ کیشی هم تن جراحتی کوتارگن. اونینگ ایتیشیچه، پارتلش نینگ قنده‌یلیگی توغریسیده تیکشیرووچی تیم ایش قیلیب کیلماقده. جناب فرامرز گه کوره، حادثه قربانی‌لری نینگ رقمی اوزگریشی ممکن.
بیزلرنینگ فیسبوک صحیفه‌میزگه هم باش اورینگ!
مذکور پارتلش بوگون توشدن آلدین ساعت ۱:۳۰ اطرافیده شکردره تومنی نینگ «حاجی بخشی» قیشلاغیده‌گی «مفتی نعمان» مسجدی ده یوزبیرگن.
بوندن آلدین شکردره تومن ولسوالی گوهرخان بابری سلام‌وطندار بیلن صحبت اوتکزیب، بو پارتلش ده مفتی محمدنعمان شامل ۶ کیشی هلاک و ۲۰ دن آرتیق کیشی تن جراحتی کوتارگنی نی ایتگن ایدی.
حادثه مسئولیتی نی حاضرگچه بیرار گروه یا-ده شخص بوینیگه آلمه‌گن. طالبان اوشبو پارتلش ده قول‌لری بارلیگی نی رد قیلیب و بو حادثه نی قاره‌لگن. طالبان سوزلاوچی‌لریدن بیری ذبیح‌الله مجاهد توییتر صحیفه‌سیده ادعا قیلیشیچه، «اوشبو دهشتلی عمل دین گه قرشی جنایت جزء» حکومت استخباراتی دیر.
شونده‌ی بیرحالده، طالبان و افغانستان دولتی اوچ کون رمضان هییتی نی آتیش کیسین اعلام قیلگن ایدیلر. شونینگدیک اوتگن کون قندهار، قندوز و غزنی ده یوزبیرگن پارتلش‌لرده ۱۱ تینچ‌اهالی هلاک و ۱۷ دن آرتیق کیشی ایسه یره‌لندی.
