اوچ ییل آلدین کابل ده بیر عیال ۱۰ مینگ افغانی سرمایه بیلن صناعتی بیر ایشخانهنی آچیب و مذکور ایشخانهده، رزین اپوکسی کیمیایی مادهدن فایدهلنیش آرقهلی تورلیخیل محصوللر ایشلب چیقریلهدی. شونینگدیک اوشبو ایشخانه حاضر ایسه قریب ۲۰۰ عیال و قیزگه مذکور صناعتنینگ اورگهنیش همده درآمد قولگه کیلتیریش امکانیتی یرهتگن.
کابل یشاوچیسی بولمیش ۲۷ یاشر مهربان عبداللهینینگ ایتیشیچه، رزین اپوکسی کیمیایی مادهدن فایدهلنیش بیلن محصول ایشلب چیقریش و صناعت رواجلنیشیگه قیزیقیشی همده بیرینچی اثرینینگ اهالی آرقهلی یخشی شکلده کوتیب آلینیشی، اونینگ بیر ایشخانهنی آچیشگه تشویق قیلگن. «اوشه پیتده رزین اپوکسی بوتونلی ینگی بیر صناعت بولگنی اوچون، افغانستاننینگ بو کبی ینگی نرسهلرگه نیازی بارلیگینی توشیندیم. اهالی آرقهلی ایجابی شکلده کوتیب آلینیش و یخشی یاندهشوولر سبب، کوپراق قیزیقدیم و بو قیزیقیشنی حقیقی بیر کسب-کارگه اوزگرتیردیم.»
مذکور ایشخانه حاضر مهربان عبداللهی مدیریتیگه «لیان آرت» اسمی آستیده، ایشلب چیقریش، ساتیش و ایش اورگهتیش بوییچه اوچ بولیمده فعالیت قیلیب و تورلیخیل محصوللرنی تولید قیلهدی. «حاضر ایسه تورلی بولیملر جملهدن ایدیش، تقینچاقلر و کورهدیگنیز میز و ساعت کبی محصوللرنی تولید قیلیش بولیملریده فعالیت قیلماقدهمیز. مادهلردن بیر قسمینی باشقه اولکهلردن کیلتیرهمیز و بیر قسمینی ایسه افغانستان دن تیارلهیمیز.»
اونگه کوره، ۲۰۰ دن آرتیق عیال و ایرکک قول صناعتلری بولیمیده ایش اورگهنیب و اولردن کوپینچهسی بو مهارتدن فایدهلنیش بیلن اوزلریگه مستقل اقتصادی فعالیتنی باشله آلگنلر. «نیچه ییل فعالیت جریانیده لیان آرت صناعتی ایشخانهسیده ۲۰۰ دن آرتیق عیال و ایرکک ایش اورگهنیب و اولردن ۵۰ فایزدن آرتیغینینگ فعال کسب-کاری بار.»
مهرباننینگ کوپهیتیریشیچه، ایش اورگهتیش صفتینی سقلش اوچون هر دوره آز ایش اورگنووچیلر بیلن یولگه قوییلهدی. «هر دورهده ایش اورگنووچیلر سانی فرقلی دیر؛ لیکن صنفلر ظرفیتی کوپ بولمسلیگی و هر بیر کیشیگه درست شکلده توجه قیله آلیشیم اوچون تلاش قیلهمن. هر دورهده قریب ۱۰ عیالگه ایش اورگهتیش دستورینی یولگه قویهمن که هر بیر کیشی یخشی بیر شکلده ایشنی اورگنسین.»
اونینگ ایتیشیچه، بو صناعت یالغیز تزیینی اوسکونهلرنی توزهتیش بیلن یکونلنمهیدی و تورلی نرسهلرنی تزیین قیلیش ممکن. «رزین اپوکسی هیچ بیر چیکلاوی بولمهگن بیر صناعت دیر. اوندن اوی دیزاینلنیشی، بنا ایشلری، گوزهللشتیرووچی بولیم، تقینچاقلر توزهتیلیشی و باشقه بولیملرده فایدهلنیش ممکن. بو صناعت آرقهلی فرقلی دیزاینلر و محصوللرنی توزهتیش ممکن.»
مهربان گه کوره، بو ینگی بیر صناعت بولسهده، بیراق عیاللر کوپراق قیزیقیب، اوشبو صناعتنی اورگهنیش و ایشلشنی ایستهیدیلر. «چونکه بو ینگی بیر صناعت دیر و الحمدالله حاضر عیاللر کوپراق بو صناعتگه قیزیققنلر و اولردن قطاری مذکور صناعتنی اورگهنیب و اونینگ آرقهلی درآمد قولگه کیلتیریشنی ایستهیدیلر.»
عبداللهینینگ کوپهیتیریشیچه، مذکور صناعتنینگ دستلبکی مهارتلرینی اوزی اورگهنیب و تجربه آلیشدن کیین، تخصصی شکلده اورگهنیش اوچون ایران گه سفر قیلگن. «باشده ویدیولرنی کوریش و مطالعه قیلیش بیلن ایشگه باشلهدیم. کوپ تمرین قیلیش و تجربه آلیشدن کیین، آز-آز بیرینچی محصوللریمنی تولید قیله آلدیم و شونینگدیک ۲۰۲۳ و ۲۰۲۴-ییللرده ایران گه سفر قیلیب و بو صناعتنی تخصصی شکلده اورگندیم.»
اقتصادی مسئلهلر بیلرمانی امینالله قاسمزینینگ ایتیشیچه، عیاللر صناعتی مهارتلریدن اینیقسه تدبیرکارلیک بولیملریده فایدهلنیش، ایشسیزلیک کمهیشی و محلی اقتصاد رواجلنیشیده مهم اورینگه ایگه بوله آلهدی. «عیاللر مهارتلریدن اینیقسه تدبیرکارلیک بولیکده فایدهلنیش، ایشسیزلیک سطحی کمهیشی همده محلی اقتصاد رواجلنیشیده رول اوینه آلهدی. شونینگدیک نهفقط محلی بازار ایستهکلری تامینلنیشی بلکیم صادرات زمینهسی یرهتیلیشی و ملی عاید رواجلنیشیگه یاردم بیریب و شونینگدیک مهارتگه ایگه بولگن کیشیلرنینگ تشویق بولیشیگه سبب بوله آلهدی.»
شوندهی بیرحالده، افغانستان عیاللر سودا و صناعت اتاقی مسئوللرینینگ ایتیشلریچه، بو نهاد صناعتچیلر و رزین اپوکسی ایشخانهلرینی قوللب-قوتلش اوچون تورلیخیل برنامهلرنی عملگه آشیرگن. افغانستان عیاللر سودا و صناعت اتاقینینگ مالی و اداری ایشلری بوییچهآمری پاکیزه صافیگه کوره، رزین اپوکسی صناعتی رواجلنیشی اوچون بیر قطار برنامهلری بار. «عیاللر سودا و صناعت اتاقی تعلیمی برنامهلرنی رواجلنتیریش، بازار تاپیش امکانیتلرینی آشیریش، عیاللرگه تیگیشلی بازارلرنی یولگه قوییش، ساتیب آلوچیلر بیلن علاقه قوریلیش امکانیتی یرهتیلیشی و حمایتی نهادلرنینگ همکارلیگینی جلب قیلیش بیلن، رزین صناعتی کوچهیشی بو بولیمدهگی فعال عیاللر رواجلنیشی امکانیتینینگ کوپراق یرهتیشنی نظرگه آلگن.»
مهربان عبداللهی، افغانستان ده بو صناعت بیلن محصوللری ایشلب چیقریلیشینینگ کینگ کولملی شکلده رواجلنیشی همده عیاللردن کوپ قطارینینگ اوز مهارتلری و خلاقیتلری آرقهلی اقتصادی مستقللیککه ایگه بولیشلرینی تیلهیدی.
