هرات شهریینینگ کوچهلریدن بیریده، چرم هیدی و تیکووچیلیک ماشینلر سیسی کیچیک لیکن گوجوم بیر ایشخانهدن حکایه قیلماقده. بو ییرده حیات یولی کوتیلگن کبی کیچمهی و تحصیلگه دوام بیریش امکانیتیگه ایگه بولمهگن کامله میرزایی، حاضر بیر ایشخانهنینگ ایشیگی آرتیده ایش بیلن شغللنگن. اونینگ ایتیشیچه، مذکور ایشخانهنینگ تورت ییلدن بویان رسمی شکلده فعالیتی بولیب و عایله اعضاسینینگ همکارلیگی بیلن اداره بولماقده.
کاملهنینگ کوپهیتیریشیچه، کوپینچه سعیوحرکت قیلگنیدن کیین حاضر بو ییرده ایران دن قیتگن قاچقینلر شامل قریب ۱۲ عیالگه ایش زمینهسی یرهتیلگن. «باشده ایکی سینگلیم و بیر ایناغهم بیلن اوییمیزده بیر ایشخانه توزهتیب و ایشگه باشلهدیک. حاضر خدا گه شرک ایشخانهمیز بار و قریب ۱۲ کیشی بو ییرده ایشلهیدی. اولردن قطارینی اوتگن آلتی-ییتی آی جریانیده ایران دن مملکت گه قیتگن قاچقینلر تشکیل بیرهدی.»
ایشخانهنینگ باشقه بیر چیکهسیده، عیاللردن قطاری مهارت و کوپ دقت بیلن قوریق چرملرنی قوللریگه آلیب، قیرقیش و تیکیش بیلن شغللنگنلر. شوندهی بیرحالده، حاضرگچه هم ایشلر قولی بولمهی و بیر قطار قیینچیلیکلر موجود. میرزاییگه کوره، قیمتلر کوپهیشی و فایدهلنیش امکانیتینینگ قیینلیگی سبب دستلبکی مادهلرنی تامینلش، ایشی توغریسیدهگی بویوک قیینچیلیک دیر. اونینگ ایتیشیچه، دکان یوقلیگی باعث واسطهلر آرقهلی محصوللرینی بازار گه چیقرهدیلر که اهالینینگ ساتیب آلیش امکانیتی کمهیشی ساتیش میزانیگه تاثیر قویگن. «حاضر ایسه، اینگ کته قیینچیلیگیمیز دکان یوقلیگی دیر؛ یالغیز تولید قیلیش و محصوللریمیزنی دکانلرگه ساتیشگه مجبورمیز. توارلر قیمتی یوقاری کیتیشی و اهالینینگ اقتصادی یامان وضعیتی، ساتیشلریمیز توغریسیده تاثیری بار.»
بو آرهده، مذکور ایشخانهده ایش بیلن شغللنگن عیاللر بو مسلکنینگ اورگهنیش فرصتینی حیاتلری وضعیتی یخشیلنیشیده مهم بیر نقطه صفتیده بیان قیلگنلر. اولرگه کوره، اوشبو فرصت سبب بو محیطده ایش بیلن شغللهنیب، مالی و اقتصادی قیینچیلیکلرینینگ بیر بولیمینی کمهیتیره آلگنلر.
بوت توزهتیش اوشبو ایشخانه ایشلاوچیلریدن زهرا سلطانینینگ ایتیشیچه، مذکور ایش بیر مهارتنی اورگهنیشیگه علاوه اقتصادی نیازلرینینگ بیراز حل قیله آلیشیگه یاردم بیرگن. «ایران دن کیلگنیمده هیچ بیر درآمد منبعگه ایگه ایمس ایدیم. محیط و شهر توغریسیده هیچ بیر بیلگیم یوق ایدی، حیات کیچیریش شرایطی قیین ایدی، بیراق اوشبو ایشخانهده ایشلش قیته اوز ایاغیمگه توخته آلیشیمگه یاردم بیردی. اهالی بیلن هم تانیشدیم و حداقل اوزیمنینگ مالی نیازلریمینی تامین قیله آلهمن.»
بو ییرده ایش بیلن شغللنگن عیاللردن باشقه بیری سامعه سرورینینگ ایتیشیچه، مذکور ایش حیات خرهجتلرینینگ بیر قسمینی تامین قیله آلیشی یانیده، اویدن چیقیب و باشقهلر بیلن علاقه قوره آلیش امکانیتینی یرهتگن. اونینگ کوپهیتیریشیچه، درآمدی آز بولسهده، بیراق دوالنیش و کوندهلیک نیازلری خرهجتینی توللش اوچون ییترلی دیر. «مذکور ایشخانهده ایش بیلن شغللنگنیمدن بیش آی بولگن. ایشیمدن خوش و راضیمین. اویدن ایشخانهگچه کیلیش، هم پیاده یوریشیم اوچون یخشی همده ینگی کیشیلر بیلن تانیشدیم. قولگه کیلتیرهدیگنیم پول هم شفاکار و دارولر خرهجتینی چیقرهدی.»
شوندهی بیرحالده، ایشخانه مدیرلریدن حسن میرزایینینگ اورغولشیچه، عیاللر بوت تولید قیلیش، قیرقیش و پوش قیلیش بولیملریده اساسی اورینگه ایگه بولیب، امکانیت و حمایتگه ایگه بوله آلگنلری صورتده، بوندن یخشیراق ایشلرنی عملگه آشیره آلهدیلر. «دولت آرقهلی ییترلی حمایت و امکانیت یرهتیلگنی صورتده، عیاللر بوت تولید قیلیش توغریسیده ایرککلرگه نسبت یخشی ایشلهیدیلر. هرات ده بوت تولید قیلیش ینگی بیر ایش دیر که هم عیال و همده ایرکک ایشله آلهدی. ایشخانهمیزنینگ کوپینچه ایشلری عیاللر گه تیگیشلی دیر که ایرککلرگه نسبت کوپینچه قیزیقیش و سلیقه بیلن ایشلهیدیلر.»
غرب حوزهسیده عیاللر سودا و صناعت اتاق مسئوللری، تجارت و اقتصادده عیالرنینگ کوپینچه حضوریدن خبر بیریب و ایتیشیچه، هرات ده تورلی تولیدی بولیملرده مینگدن آرتیق عیال فعالیت قیلماقده. غرب حوزهسیده عیاللر سودا و صناعت اتاقی باشلیغی بهناز سلجوقی، تدبیرکار عیاللرنینگ قوللب-قوتلنیشیگه تاکیدلب و ایتیشیچه: «عیاللردن قطاری صناعت و قول صناعتی بولیملری و باشقه بیر قطاری آزیق-آوقت مادهلری، یوویش مادهلری و باشقه بیر قطار نرسهلرنینگ ایشلب چیقریلیشی بولیملریده فعالیت قیلماقده. مذکور عیاللردن کوپینچهسی عایله سرپرستی بولیب و عایلهلر اقتصادی اساسینی تشکیل بیرهدیلر. اونینگ یانیده، باشقه عیاللر و قیزلرگه ایش زمینهسینی یرهتیشگه سبب بولیب و باشقه بیر عایلهنینگ اقتصادیده فایدهلی رول اوینهگنلر.»
شونینگدیک اقتصادی مسئلهلر بیلرمانلرینینگ ایشانچیگه کوره، تخصصی تعلیملر رواجلنیشی و قیینچیلیکلر کمهیشی، عیاللر اقتصادی فعالیتلرینینگ کوپراق ترقیاتی امکانیتینی یرهته آلهدی که بو حرکت، تولید کوپهیشی و جمعیتنینگ اقتصادی وضعیتی یخشیلنیشیگه سبب بوله آلهدی. بو توغریده اقتصادی مسئلهلر بیلرمانلریدن شعیب رحیمینینگ ایتیشیچه: «حمایت یانیده، عیاللر فعالیتی اوچون بیران توسیق بولمسه، عیاللر تورلیخیل و بیر قطار محصوللرنی تولید قیلیب و ساته آلهدیلر که بو موضوع عیاللر تجارتی و بازار برقرارلیگیگه آلیب کیلماقده.»
شوندهی بیرحالده، افغانستان بیرلشگن ملتلر تشکیلاتی قاچقینلر ایشلری بوییچه عالی کمیساری افغانستان بولیمی باشلیغی عرفات جمالنینگ سلاموطندار بیلن اوتکزگن مخصوص صحبتیده ایتیشیچه، مملکت گه قیتگن عیاللرنینگ ایش بیلن شغللنیش مسئلهسیگه کوپراق اعتبار قرهتیشی ممکن؛ چونکه اولردن قطاری آلدیندن ایران و پاکستان ده ایش امکانیتلریدن قطاریگه قول تاپگنلر، بیراق حاضر اوندن محروملر و اولرگه ایش زمینهسی یرهتیلیشی کیرهک.
