لغمان ولایتی قرغهیی تومنیده جایلشگن «خیروخیل» منطقهسیده یوز بیرگن ترافیکی حادثه نتیجهسیده، ۴ کیشی اولیب و ۸ کیشی یرهلنگن.
لغمان امنیه قوماندانلیگی مسئوللرینینگ ایتیشلریچه، اوشبو حادثه اوتگن کیچه ساعت ۱۲:۰۰ اطرافیده، کابل-جلالآباد قتناو یولیده مملکت گه قیتگن قاچقینلر بولگن تیلری بیر موترنینگ دریا گه قولشی نتیجهسیده یوز بیرگن.
لغمان امنیه قوماندانلیگی سوزلاوچیسی محمدیونس یوسفزینینگ بوگون (۱۲-سرطان، جمعه)، سلاموطندار گه ایتیشیچه، حاضرگچه ۴ جسد بیلن ۸ یرهدار دریادن چیقریلگن.
جناب یوسفزی اوشبو موترده ۲۲ کیشی بولگنینی بیان قیلیب و کوپهیتیریشیچه، باشقه ۱۰ کیشی حاضرگچه لادرک بولیب و اولرنی قوتقریش اوچون اختریش عملیاتینینگ دوامی بار.
ایتیش کیرهک که، بوندن آلدین هم مملکت گه قیتگنلر بولگن بیر موتر کابل-جلالآباد عمومی قتناو یولیده سرکدن چیقیب چپه بولگنی نتیجهسیده، ۱۰ باله و عیال شامل ۱۸ کیشی اولیب و ۳۵ کیشی ایسه یرهلنگن ایدی.
