اسلام امیرلیگی تشقی ایشلر وزیرلیگی، سوریه پایتختی دمشق شهریده جایلشگن بیر کافهده یوز بیرگن پارتلشنی قارهلهگن.
اوشبو وزیرلیک سوزلاوچیسی عبدالقهار بلخینینگ بوگون (۱۲-سرطان/ ۳-جولای، جمعه)، بیر بیانیه آرقهلی یازیشیچه، اسلام امیرلیگی مذکور پارتلش عاقبتیده تینچ اهالینینگ اولیب و یرهلنگنینی «جدی شکلده» قارهلهیدی.
بیانیهده کیلیشیچه، اسلام امیرلیگی تینچ اهالیگه قرشی هجومنی اسلامی و انسانی ارزشلرگه ضد بیلیب و بو کبی واقعهلرنی سوریه خوفسیزلیگی و برقرارلیگی اوچون خواطرلنتیرووچی دیب حسابلهیدی.
اوتگن کونی سوریه پایتختی دمشق شهریدهگی بیر کافهده یوز بیرگن پارتلش نتیجهسیده، کمیده ۹ کیشی اولیب و باشقه ۲۰ کیشی یرهلنگن.
