سوریه ایچکی ایشلر وزیرلیگینینگ اعلام قیلیشیچه، اوشبو مملکت پایتختی دمشق شهری مرکزیده جایلشگن بیر کافهده یوز بیرگن پارتلشده، ۹ کیشی اولیب و ۲۰ کیشی یرهلنگن.
خلقارا ییتکرمهلرنینگ بوگون (۱۲-سرطان/ ۳-جولای، جمعه)، سوریه ایچکی ایشلر وزیرلیگیدن نقل قیلیب گزارش بیریشیچه، مذکور پارتلش قریب بیر کیلوگرام بولگن بیر بمبنینگ پارتلشی نتیجهسیده یوز بیرگن.
حاضرگچه هیچ بیر گروه اوتگن کونی یوز بیرگن اوشبو پارتلش مسئولیتینی بوینیگه آلمهگن. شوندهی بیرحالده، بوندن آلدین خوفسیزلیک رسمیلری، بشار اسد حکومتی قولشیدن کیین اورته گه کیلگن خوفسیزلیک بوشلیقدن فایدهلنیش اوچون داعشنینگ سعیوحرکت قیلیشیدن آگاهلنتیرگن ایدی.
مذکور رسمیلرگه کوره، داعش یشیرین ترماقلرینی فعاللشتیریش، جنگریلرینی یوللش و قورال-یراقلرنی انتقال بیریش آرقهلی سوریه ده اوز فعالیتینی قیته تیکلشگه اورینماقده.
