پاکستان ده خوفسیزلیک منبعلرنینگ ایتیشلریچه، ایران و امریکا اورتهسیدهگی مذاکرهلرنینگ جاری هفته بولیب اوتیشی ممکن.
پاکستان ده ایکی منبعنینگ بوگون (۳۰-حمل، یکشنبه)، الجزیره خبری ترماغیگه ایتیشیچه، امریکا و ایران اورتهسیدهگی مذاکرهلرنینگ ایکینچی باسقیچی کیلهسی جمعه کونیدن آلدین اوتکزیلیشیگه عاید نشانهلر موجود.
بوندن آلدین، پاکستان دان کوندهلیگینینگ گزارش بیریشیچه، بو مملکت ایران و امریکا مذاکرهلرینینگ میزبانلیک قیلیش اوچون تیارگرلیک کورماقده.
اوشبو ییتکرمهنینگ گزارشی اساسیده، پاکستان پایتختی اسلامآباد شهریده جدی شکلده خوفسیزلیک تیارگرلیکلر آلینگن.
ایران و امریکا آرهسیدهگی ایکی هفتهلیک آتیش کیسین یکونیگه یقینلنیش بیلن بیرگه، ایکی مملکت اورتهسیدهگی مذاکرهلر قیته باشلنیشی اوچون پاکستان سعیوحرکتلری کوچهیگن.
ایران و امریکا مذاکرهلرینینگ بیرینچی دورهسی، ۲۲-حمل اسلامآباد ده اوتکزیلیب و نتیجهسیز شکلده یکونلندی.
