ایران سپاه پاسداراننینگ آگاهلنتیریشیچه، بریتانیا بو مملکت توپراغیدن ایران گه قرشی فایدهلنیش اوچون امریکا گه رخصت بیرگنی صورتده، «مشروع نشان» صفتیده نظرگه آلینیشی ممکن.
سپاه پاسداران سوزلاوچیسی حسین محبینینگ تسنیم آژانسی بیلن اوتکزگن صحبتیده ایتیشیچه، ایران گه قرشی امریکا هجوملریدن حمایت قیلگن یا-ده توپراغیدن اوشبو هجوملر اویوشتیریلیشی اوچون رخصت بیرگن هر بیر مملکت، ایراننینگ نشانگه آلهدیگن رویخطیگه اوتهدی.
اونینگ کوپهیتیریشیچه، سونگی کونلر امریکانینگ بی-۱ بمباردمانچی اوچاقلری بریتانیا هوا قونالغهلریدن فایدهلهنیب و بو جریان دوام قیلگنیده، ایران بریتانیانینگ نشانگه آلیشی ممکن.
محبی گه کوره: «امریکا بیلن همکارلیک قیلیش سبب، کویت دهگی امریکا پایگاهلریگه اویوشتیرهدیگنیمیز هجوم توری، انگلستان دهگی امریکا پایگاهلری یا-ده بو مملکت اوزیده، فرقلی بولیشی ممکن. بریتانیانینگ بیز اوچون قانونی نشان حسابلنیشیگه ایسه هیچ قندهی شبهه یوق.»
اوشبو بیانات، سونگی ایکی هفتهده ایران و امریکا آرهسیده توقنشوولر ینه کوچهیگنی و ایکی تامان بیر-بیریگه قرشی هجوم اویوشتیرگنی بیرحالده، بیان بولگن.
