ایران جمهور باشلیغی ابراهیم رئیسی، روسیه‌گه قیلگن سفری‌ده اوشبو مملکت دولت رهبری ولادیمیرپوتین بیلن اوچره‌شکن. ایکی تامان افغانستان‌ده‌گی وضعیت‌گه دایر خواطر بیلدیرگن.
اوچره‌شووده ابراهیم رئیسی نینگ ایتیشیچه، افغانستان بویلب دایمی خوفسیزلیک و تینچلیک برقرار ایتیلیش یالغیزی یولی برچه شمول بیر حکومت شکللنیشی دیر.
ایران جمهورلیک ریاستی مطبوعاتی مرکزی نینگ بیاناتی‌گه بناً، اوشبو مملکت جمهورباشلیغی ایران و روسیه نینگ سوریه‌ده عصیانچی گروه‌لر برابری‌ده‌گی همکارلیک تجربه‌لریدن استفاده بولیشینی تاکید ایتگن. ایران جمهوررئیسی نینگ ایتیشیچه، بو مملکت ۴۰ ییل‌دن بیری روسیه کبی امریکا قوشمه ایالت‌لری‌گه قرشی توخته‌تگن.
بیزلرنینگ فیسبوک صحیفه‌میزگه باش اورینگ!
بوندن آلدین ایران نیچه مراتبه افغانستانده همه شمول بیر حکومت ایجاد ایتیلیشینی تاکید ایتکن ایدی. ایران تشقی ایشلر وزیری سعید خطیب‌زاده، اسلامی امارت خلق‌ارا هم جمعیت تامانیدن تن آلینیشی مقصدیده افغانستان فقرالری نینگ خواهش-ایستگیگه بی‌فرق بولمسلیک‌لری کیره‌ک دیگن.
عین حالده، افغانستان اسلامی امارت حاکمیت گه ایریشگنیدن بیش آی اوتسه‌ده لیکن حاضرگچه هیچ بیر مملکت تامانیدن تن آلینمه‌گن. برچه شمول حکومت ایجاد ایتیلیشی، بشر حقوقی تامین‌لنیشی اوشبو حکومت نینگ تن آلینیشی اوچون دنیاجماعه چیلیگی نینگ شرطی ایکن‌لیگی ایتیله‌دی.
