خاتمالانبیا مرکزی قرارگاهینینگ آگاهلنتیریشیچه، ایران یشاوچیلریدن هر بیری اولدیریلگنی صورتده، امریکا کوچلریدن بیرینینگ نشانگه آلینیشی ممکن.
خاتمالانبیا مرکزی قرارگاهی قوماندانی علی عبدالهی، بوگون (۳-اسد/۲۵-جولای، شنبه)، فارس آژانسی آرقهلی ترقهتیلگن بیر بیانیهده ایتیشیچه: «هر بیر ایرانلیکنینگ شهید بولیشی عوضیگه، امریکالیک بیر کوچ اولدیریلهدی.»
عبدالهینینگ کوپهیتیریشیچه، بو قانوننینگ عملگه آشیریلیشی بوندن آلدین هم امریکا گه ثابت بولیب و بوندن سونگ هم، «بو اوروش میدانیده قاطعیت و رسمی شکلده اعلان قیلینگن قاعده حسابلنهدی.»
مذکور بیانات، اوتگن ایکی هفتهده ایران و امریکا اورتهسیدهگی حربی توقنشوولر و کیسکینلیکلرنینگ ینگی باسقیچیگه کیرگنی بیرحالده، بیان بولگن. بو مدتده ایکی تامان بیر-بیرینینگ پایگاهلریگه قرشی هجوم قیلگن.
