ایران نینگ «مشرق‌نیوز» وب‌سایتی یکشنبه کونی ۲۱- حمل گزارش بیرگن که، جوزجان سابق حاکمی محمدهاشم رئیس، ایران‌ده‌گی «مهاجرلر آره‌سیدن عسکر توپله‌پ اوکراین‌گه» یوباریش عیبی بیلن، ایران خوف‌سیزلیک کوچلری تامانیدن قولگه آلینگن.
محمدهاشم رئیس جوزجان سابق والیسی و «ملی اسلامی جنبش حزبی» نینگ یوقاری مرتبه‌لی اعضالریدن بولیب و شونینگدیک اوشبو حزب رهبری مارشال عبدالرشید دوستم گه یقیین کیشی‌لریدن بیری دیر.
بیزلرنینگ فیسبوک صحیفه‌میزگه باش اورینگ!
عین‌حالده، جنبش حزبی‌ده‌گی منبع‌لر، بیرقطار رسانه‌لر بیلن صحبت اوتکزیب، محمد هاشم رئیس ۳ هفته آلدین ایران امنیتی کوچلری تامانیدن قولگه آلینگن‌لیگینی تصدیقله‌گنلر، بیراق اونگه قره‌تیلگن «اوکراین اوچون عسکر توپلش» عیبلاوینی ناتوغری عنوان قیلگن‌لر.
اوشبو منبع‌لرنینگ ایتیشلریچه، جناب رئیس افغانستان ده اسلامی امارت قدرت گه ایریشگنیدن کیین جنبش حزب اعضالری نینگ قیینچلیک‌لرینی حل قیلیش اوچون مذکور حزب نماینده‌سی صفتیده ایران بارگن ایکن.
بیزلرنینگ توییترده هم تعقیب قیلینگ!
«مشرق نیوز» رسانه‌سی بو توغریده آرتیق تفصیلات بیرمه‌گن.
شونده‌ی بیرحالده، بیرقطار رسانه‌لر نینگ گزارش بیریشلریچه، هاشم رئیس ایران ده یشه‌یدیگن افغان مهاجرلردن بیر حربی قطعه ایجاد قیلیش گه قرار قیلگن ایکن و پول و اوکراین نینگ تابعیتی نی کسب قیلیش امتیازی برابریده کیله‌جکده اولرنینگ «روسیه بیلن اوروش قیلیش» اوچون مذکور مملکت‌ده یوباریش اوچون حرکت قیلماقده ایکن.
