پاکستان تشقی ایشلر وزیرلیگی سوزلاوچیسی شفقت علیخان، اوتگن کونی (۱۰-دلو، چهارشنبه)، افغانستان ده امریکا کوچلریدن قالگن قوراللرنینگ ترورچی گروهلر جملهدن پاکستان طالبلر تحریکی (تیتیپی)، اختیاریگه قرار تاپیب و اولر مذکور قوراللردن فایدهلنیش بیلن پاکستان خوفسیزلیگینینگ تهدید قیلماقدهلیگینی ادعا قیلگن.
اونینگ کوپهیتیریشیچه، پاکستان نیچه مرته اسلام امیرلیگیدن امریکا کوچلری تامانیدن قالگن قورال-یراقنینگ باشقه کیشیلر اختیاری گه قرار بیریلمسلیگینی ایستهگن.
بیزلرنینگ فیسبوک صحیفهمیزگه باش اورینگ!
شوندهی بیرحالده، اسلام امیرلیگی، شفقت علیخان بیاناتینی اساسسیز دیب و ایتیشیچه، امریکا کوچلریدن قالگن قوراللردن هیچ کیم یا-ده گروه فایدهلنه آلمهیدی.
سرپرست حکومت سوزلاوچیسی اورینباسری حمدالله فطرتنینگ ایتیشیچه، اسلام امیرلیگی افغانستان ده قالگن قورال-یراقدن باشقه مملکتلر برابریده قوللنیشگه رخصت بیرمهیدی. «برچه قورال و حربی جهازلر، یخشی بیر شکلده ییرلشتیریلیب و درست بیر شکلده سقلنهدی. اوندن ناتوغری شکلده فایدهلنیشی اوچون هیچ کیم گه رخصت بیریلمهیدی؛ ادعالردن برچهسی اساسسیز دیر و اونینگ رد قیلهمیز.»
پاکستان، اوتگن اوچ ییلده امریکا تامانیدن قالگن حربی جهازلر، ترورچیلیک گروهلر کوچلنیشیگه یاردم بیرگنی نی نیچه مرته ادعا قیلگن که، بو ادعالر دایم اسلام امیرلیگی آرقهلی رد بولگن.
سیاسی و حربی ایش بیلرمانلردن قطارینینگ ایتیشلریچه، پاکستان ادعالرینی اسلام امیرلیگیگه ثابت قیلیب و خواطرلرینی صحبت قیلیش یولیدن حل قیلیشی کیرهک.
سیاسی و حربی مسئلهلری بوییچه ایش بیلرمان یوسف امینزازینینگ ایتیشیچه: «قورال و جهازلر افغانستان اهالیسینینگ ملکیتی دیر؛ پاکستاننینگ بو تشویشلری اساسسیز بولیب و اسلام امیرلیگی بو موضوعلرنی دیپلماتیک یوللریدن حل قیلیشی کیرهک.»
بیزلرنینگ «ایکس» ترماغی ده هم تعقیب قیلینگ!
شونینگدیک سیاسی مسئلهلری بوییچه ایش بیلرمانلردن باشقه بیری صدیق منصورنینگ ایتیشیچه، اسلام امیرلیگی و پاکستان یالغیز صحبت یولی آرقهلی بیر بیرلرینینگ خواطرلریگه جواب قیتره آلهدیلر. اونینگ کوپهیتیریشیچه: «اسلام امیرلیگی ساغلام دیپلماسینی قولگه آلیشی کیرهک اینیقسه پاکستان حقیده که بو رقم قندهی اوشبو خواطرلر حل بولسه.»
بوندن آلدین هم، اسلام امیرلیگی رهبری سکیز مادهلیک بیر فرمانده، قورال و باشقه حربی جهازلرنینگ ترقهتیلیشینی اوز ادارهسی مکلفیتلریدن دیب و بو فرمان حربی جهازلردن نی سقلش و اولرنینگ کیرهکسیز فایدهلنیشی آلدی آلینیشی اوچون صادر بولگنی نی ایتگن ایدی.
