اسلام امیرلیگی ستندرد و صفت ادارهسی، مملکت ایچکی معیارلریگه تینگ بولمهگن ۴۸۰ تُن سمنتنینگ یوکی، حیرتان بندریده قیتریلگنینی بیلدیردی.
اوشبو اداره، بوگون (۱۰ سنبله/۱ سپتمبر، سهشنبه) ایکس اجتماعی ترماغیده بیر بیانیه ترقهتیب بو حقده خبر بیردی.
بیانیگه کوره، اوشبو مقدار سمنت برچه تامانلمه تیکشیرودن کیین صفتسیزلیگی انیقلنیب و قیتریلگن.
چیتایل مملکتلردن آلیب کیلینهیاتگن بوتون توارلرنینگ صفتینی انیقلش جریانی شفاف، ترتیبلی و جدی شکلده تیکشیریلهدی و صفتسیزلیگی انیقلنگن حالده، مملکت بازارلریگه کیریتیش ایزینی بیریلمسلیگینی قوشیمچه قیلهدی، ستندرد و صفت ادارهسی.
اوشبو اداره، سوداگرلر و تشقی مملکتلردن توار کیلتیرهیاتگنلردن، مملکت ایچکی معیاری و توارلرنینگ صفتی گه دقت قیلیب و بو توغریده ستندرد و صفت ادارهسی بیلن همکارلیک قیلیشلرینی سورهیدی.
ایسلهتیب اوتهمیز، بوندن ایلگری ستندرد و صفت ادارهسی بلخ ولایتی حیرتان بندریده اوزبیکستاننینگ قوریلیش موادی و بطریسی بولگن ایکی یوک قیتریلگنیدن خبر بیرگن ایدی.
