افغاستان تینچلیک کوزه تووچی نهادی، ینگیلیکده ترقهتگن گزارشیده هلمند، ننگرهار و قندهار کبی ولایتلرده امریکا قورال اسلحهلری ساتیلیشینی ادعا قیلگن، بیراق اسلام امیرلیگی اوشبو گزارش نی رد قیلیب ایتیشیچه، قورال اسلحهلرنی سقلش برابریده جدی بولیب و هیچ کیمگه قورال اسلحهلرنی ساتیش گه رخصت بیرمهیدیلر.
اسلام امیرلیگی سوزلاوچی اورینباسرلریدن بلالکریمی نینگ سلاموطندار گه ایتیشیچه: «افغانستان نینگ برچه حدودی، اسلام امیرلیگی نینگ کنترولی آستیده دیر و هیچ کیم بیر اوق نی هم ساته آلمهیدی. برچه قورال و حربی وسیلهلر، بیتالمال دیپولی گه انتقال بیریلیب و درست شکلده سقلنیلهدی. هیچ کیم بو موضوع خصوصیدهسیده خواطرلنمهسین.»
بیزلرنینگ توییترده هم تعقیب قیلینگ!
افغاستان تینچلیک کوزه تووچی نهادی اوشبو گزارشده، امریکالیک قوراللر انباری منطقهده ترقهلماقده و پاکستان طالبلر تحریکی (تیتیپی) نینگ اوشبو قوراللر گه قول تاپیشی ممکن دیگن.
بو توغریده بلال کریمی نینگ ایتیشیچه: «قوراللر نینگ قاچاق بولیشی خصوصیدهگی گزارشلر نینگ حقیقتی یوق. اسلام امیرلیگی قورال قاچاقی و مملکت زیانی گه بولگن نرسه گه رخصت بیرمهیدی.»
شوندهی بیرحالده، اوشبو گزارش نینگ بیر بولیمیده کیلگن که، اسلام امیرلیگی امریکالیک «M4» و «M16» قوراللر و شببین دوربینلر نینگ ساتیب-آلیش و اونینگ پاکستان گه انتقال بیریش خصوصیده اونچهلیک ایستهگی یوق؛ بیراق حربی ایش بیلرمانلردن قطاری نینگ ایتیشلریچه، سابق حکومتلر گه نسبت سرپرست حکومت سیاستی نینگ قوراللر نی سقلش برابریده یخشی ایدی.
حربی ایش بیلرمانلردن سرور نیازی نینگ ایتیشیچه: «اوتگن حکومتلر گه نسبت اسلام امیرلیگی قورال قاچاقی نینگ آلدی نی آلگن، بیراق ینه هم بو بیر قیینچیلیک دیر، چونکه بیر قطار کیشی بو یول آرقهلی معاش آلهدیلر و بو ایشلری دیر. اسلام امیرلیگی اوشبو قاچاق ریشهسی نی تاپیشی خصوصیده امیدیمیز بار.»
بیزلرنینگ فیسبوک صحیفهمیزگه باش اورینگ!
حربی ایش بیلرمانلردن باشقه بیری یوسف امینزازی نینگ ایتیشیچه، قورال و باشقه حربی قورال-یراغلر نینگ مملکتدن تشقی گه انتقال بیریلگنی صورتده، بو ایش افغانستان کیلهجگی خصوصیده سلبی عاقبتلری بولیشی ممکن. «قورال نینگ قاچاقی و ساتیب-آلینیشی نینگ موجودلیگی صورتده، اونینگ آلدی آلینیشی اسلام امیرلیگی نینگ ایشی دیر، چونکه بو اهالی حقی دیر و باشقه بیر تاماندن، یشاوچیلر اوچون بیر تور تهدید دیر.»
عین حالده، بوندن آلدین هم افغانستان ده اسلام امیرلیگی نینگ قدرت گه ایریشگنیدن کیین، افغانستاندن حربی قورال-یراغ نینگ قوشنی مملکتلر اینیقسه پاکستان و ایران گه انتقال و قاچاق بولینیشی خصوصیده گزارشلر ترقهتیلگن ایدی که، دایم اسلام امیرلیگی بو ادعالرنی رد قیلگن.