بلخ ولایتی برق ییتکزیش کمپنیه مسئوللری، بوگون (۱۰ سنبله/۱ سپتمبر، سهشنبه) تورکمنستاندن افغانستان گه آلیب کیلینگن برق، تخنیکی قیینچیلیگی حل ایتیلگنیدن سونگ قیتهدن اولنگنیدن خبر بیردیلر.
مذکور اداره گه کوره، تورکمنستانده تاپیلگن تخنیکی قیینچیلیک برطرف ایتیلگچ «تورکمنانرگو» و افغانستان برق ییتکزیش کمپنیه مسئوللرینینگ هماهنگلیگیده، مذکور مملکتدن افغانستان گه آلیب کیلینگن برق باسقیچمه-باسقیچ قیته ایشگه توشیریلیب و برق تأمیناتی عادی حالت گه قیتگن.
تورکمنستاندن افغانستان گه آلیب کیلینگن برق، اوشبو مملکتده تخنیکی قیینچیلیک سببلی ۸-سنبله، یکشنبه کونی عصر چاغی اوزیلگن ایدی.
اوتگن کونی، افغانستان برق ییتکزیش کمپنیه (برشنا)، برق اوزیلیشی طفیلی قیینچیلیکلرنی برطرف ایتیش مقصدیده، مقابل صفتیده اوزبیکستان، ایران و تاجیکستاندن آلیب کیلینگن برق تأمیناتیدن فایدهلنیب و برقی اوزیلگن حدودلرنی برق بیلن تأمینلهگنینی ایتگندی.
