افغانستان دولتی چیت‌ایللیک کوچلر چیققنیدن کیین بو مملکت برابریده ناتو نینگ وعده‌لری دوام تاپیشی نی خوش قرشی‌لگن.
تشقی ایشلر وزیرلیگی بوگون (شنبه ۱- جوزا) بیر خبرنامه ترقه‌تیش بیلن ایتیشیچه، افغانستان دولتی ظرفیت قوریش، امنیتی نهادلردن حمایت قیلیش، مالی حمایت، امنیتی و مدافعه کوچلرگه تعلیمات بیریش و هواقونالغه نینگ فعالیتی دوام تاپیشی اوچون خدمتلر ارایه قیلیش توغریسیده‌گی ناتو نینگ بیاناتی نی خوش قرشی‌لگن.
بیزلرنینگ فیسبوک صحیفه‌میزگه هم باش اورینگ!
تشقی ایشلر وزیرلیگی نینگ خبرنامه‌سیده کیلیشیچه، افغانستان دولتی ناتو نینگ وعده‌لری ینه دوام تاپیشی ترورچیلیک قرشی کوره‌ش افغانستان و منطقه ده تینچلیک و برقرارلیک تأمین‌لنیشی اوچون عملی بیر اَدیم دیگن.
تشقی ایشلر وزیرلیگی مذکور خبرنامه‌ده ناتو دن افغانستان ده وعده‌لری دوام تاپیشی توغریسیده منتدارچیلیک بیلدیریب ایتیشیچه، بو مملکت همکارلیکلرنینگ ینگی دوری ده افغانستان و منطقه ده ترورچیلیک و افراط‌لیک نینگ قوشمه تهدیدی گه قرشی کوره‌شیب و مردم‌سالارلیک اساسیده بولگن ایرکین بیر افغانستان ایجاد قیلیش گه تیار دیر.
- ناتو باش کاتبی: طالبان بهاری عملیات‌لرینی باشلمه‌سین
- بلینکن: مناسب زمانده ناتو بیلن بیرلیکده افغانستاندن چیقه‌میز
- ارگ ناتو نینگ افغانستان توغریسیده آلگن ینگی قراری نی خوش قرشیله‌گن
شونده‌ی بیرحالده، اوتگن کون ناتو باش کاتبی ینس استولتنبرگ نینگ ایتیشیچه، بو تشکیلات افغانستان ده ینگی بیر فصل ایجاد قیله‌دی و افغانستان امنیتی نهادلری گه مصلحت بیریش، ظرفیت قوریش و مالی حمایت قیلیش گه دوام بیره‌دی و افغانستان حربی‌لریگه مملکتدن تشقری‌سیده تعلیمات زمینه‌سی یره‌تیش اوچون حرکت قیله‌دی.
ینس استولتنبرگ اوتگن کون پاریس ده فرانسه جمهوررئیسی امانوئل مکرون، بیلن اوچره‌شیب ایتیشیچه: «خذمتلرنی ارایه قیلیش اینیقسه کابل هواقونالغه‌سی نینگ فعالیتی نی مالی تأمین قیلیش نی نظرگه آلگن‌میز، بولر تینچلیک توغریسیده سعی و حرکتلرگه افغانستان اهالیسی گه همکارلیک قیلیش اوچون ناتو بیرلشیک‌لری و دنیا جماعه‌چیلیگی نی قادر قیله‌دی.
بیزلرنینگ توییترده هم تعقیب قیلینگ!
شونده‌ی بیرحالده، افغانستان ملی خوفسیزلیک کینگش دفتری سوزلاوچیسی رحمت‌الله اندر، نینگ ایتیشیچه، چیت‌ایللیک کوچللرنینگ افغانستان دن چیقیشی اولرنینگ یاردم‌لرینی کیسیلیشی معناسیگه کیلمه‌یدی و افغانستان امنیتی کوچلریگه مالی و حربی یاردم اوتمیش کبی دوام تاپه‌دی.
