ناتو باش کاتبی ینس استولتنبرگ نینگ ایتیشیچه، افغانستانده حربی حضوری‌میز دوام قیلیشی و شونینگدیک، اوشبو مملکتنی ترک قیلگن حالده هم بها توللشی‌میز کیره‌ک.
اوتگن “دوشنبه” کونی جناب استولتنبرگ نینگ اوشبو تشکیلاتی تشقی ایش‌لر وزیرلری ییغینیده ایتیشیچه، آمریکا ینگی جمهور رئیسی جو بایدن بیلن تلفون آرقه‌لی صحبت اوتکزیب افغانستان قضیه‌سی نینگ اهمیتی و ناتو برابریده بولگن قیین‌چلیکلر خصوصیده اشاره قیلگن.
استولتنبرگ نینگ ایتیشیچه: «قالیش‌گه قرار قیلگنی‌میز ده هم بیر بها توللشی‌میز کیره‌ک، بیراق چیقیش‌گه قرار قیلگنی‌میزده هم بها توللشی‌میز ممکن. قالیش نینگ بهاسی حربی ماموریت نینگ دوامی قیلیشی و مالی و جانی هزینه دیر. ترک قیلیش نینگ بهاسی یوتوقلرنینگ قول‌دن کیتیش خطری بیلن دوچ کیلیش دیر.»
ناتو باش کاتبی افغانستان امنیتی کوچلردن حمایت قیلیش‌گه تاکید قیله‌دی. جناب استولتنبرگ نینگ کوپه‌یتیریشیچه، افغانستانده تینچلیک‌نی تامین‌لش اوچون اوشبو مملکت امنیتی کوچلریگه یخشی شکلده تعلیم و مصلحت بیریلگن.
آمریکا جمهور رئیسی دونالد ترامپ کمیده ایکی هفته آلدین آمریکا نینگ افغانستانده‌گی حربی‌لریدن ۲۰۰۰ ته‌سی کیله‌جک میلادی ییل نینگ جنوری آیی‌گه‌قدر چیقیشی خصوصیده بویروغ بیرگن ایدی. حاضرده آمریکا نینگ ۴۵۰۰ حربی افغانستانده فعالیت قیله‌دی.
ناتو باش کاتبی نینگ ایتیشیچه، افغانستانده تینچلیک تامینلنیش اوچون تاریخی فرصت یره‌تیلگن. اونینگ ایتیشیچه، اوشبو فرصتدن فایده‌لنیش کیره‌ک.
بوندن آلدین آمریکا مدافعه وزیری، آمریکا نینگ افغانستانده‌گی حربی‌لری جاری میلادی ییل نینگ اداغی گچه ۲۵۰۰ کیشی گه کمه‌یتیریلیشینی بیلدیرگن ایدی.
