شمالی اتلانتیک تشکیلاتی (ناتو) باش کاتبی مارک روته، کوچلی ناتو و اونینگ ایچیده کوچلی اروپا شکللنماقدهلیگینی بیلدیردی.
روته، ۱۶ سرطان/۷ جولای، سهشنبه کونی تورکیه پایتختی انقره شهریده ناتو باشلیغلرینینگ بیرینچی کون ییغیلیشیده، ژورنالیستلر بیلن اوتکزگن صحبتیده، انقره ییغیلیشینی مهم بهالب حاضر کوچلی ناتو و اونینگ ایچیده ایسه کوچلی اروپا شکللنهیاتگنینی معلوم قیلدی.
اونگه کوره، اوتگن ییل هالندنینگ لاهه شهریده بولیب اوتگن ییغیلیش، بوتونلی ریجهلشتیریش و مقصدلرنی بیلگیلشگه بغیشلنگن ایدی، بیراق انقره ییغیلیشی ایسه اوشبو مقصدلرنی عملگه آشیریش و رویاب گه چیقریش بیلن باغلیق.
مارک روته اوز سوزلری دوامیده، اتفاقچیلری ایران هیچ قچان یدراو قورال (هسته) گه قول تاپمسلیگی اوچون انیق قرار گه کیلیشیش گه تأکید ایتگن.
تورکیه میزبانلیگی بیلن انقره شهریده ناتو ییغیلیشی، بو تشکیلات گه اعضا ۳۲ مملکت وکیللرینینگ اشتراکی بیلن اوتگن کون باشلندی.
